Календарь событий

Сабийм и акъылым зыщиужьым къыщыщIэдзауэ зыщIэдэIуамрэ илъэгъуамрэ и гум къонэ. 
Апхуэдэу си анэм и анэ Аружан дэслъэгъуахэр сщыгъупщэжыркъым. 
ПсэухукIэ хущхъуэ къигъэщхьэпакъым а си анэшхуэм, къигъэсэбэпар удзхэкIхэм къыхихымрэ хадэхэкIымрэт. «Зы удз дунейм къытехьэркъым, сэбэпынагъ гуэр хэмылъу», - жиIарейт абы. И хадэм жыг лIэужьыгъуэу имыт щыIэтэкъым. «ЦIыхум и Iэпкълъэпкъым хущыщIэр мыбы ит жыгхэм къапыпхыфынущ», - дигъэIущырт. ГъэщIэгъуэнракъэ, щIэныгъи бгъэдэльтэкъым, тхылъи еджэфыртэкъым, ауэ зыхимыщIыкI щымыIэм хуэдэт.

Балэгъы Лианэ Къулъкъужын къуажэм щыщщ. Къэбэрдей-Балъкъэр къэрал университетым медицинэмкIэ и къудамэм «Лечебное дело» IэщIагъэр щызригъэгъуэтащ, ординатурэмрэ аспирантурэмрэ зэрыцIалэ узыфэхэр щиджащ. 2020 гъэм Къэбэрдей-Балъкъэрым и Iэтащхьэм ЩIэныгъэхэмрэ инновацэхэмкIэ и саугъэтыр зыхуагъэфэщахэм ящыщщ Лианэ. Мы зэманым Лианэ зэрыцIалэ узыфэхэмкIэ кафедрэм и студентхэм ядолажьэ. И кандидат лэжьыгъэр Москва щыпхигъэкIащ.

Мэлыжьыхьым и 29-м ягъэлъапӏэ Къафэм и дунейпсо махуэр. Ар хуэгъэпсащ политикэ, щэнхабзэ, лъэпкъ гъунапкъэ гуэрхэр къагъанэу цӏыхухэр а гъуазджэмкIэ зэкъуэгъэувэным. ЗэрытщIэщи, адыгэхэм (шэрджэсхэм) я къафэхэм я тхыдэр жыжьэ къыщожьэ, лъэпкъ щэнхабзэм и ӏыхьэ нэхъыщхьэу, и псэукӏэр, и хабзэр къигъэнаIуэу ар щытщ. ЖыпIэнурамэ, адыгэхэм я деж цӏыхухъум и хьэл-щэнхэр къигъэлъэгъуэнымкӏэ ӏэмал нэхъыфӏу къыщалъытэу щытащ зэуапӏэ губгъуэр е ӏэкӏуэлъакӏуагърэ хьэл-щэн дахэрэ щызыхигъэлъын хуей къэфэкIэр. 

Адыгэм и гъащIэм увыпIэшхуэ щаубыд вагъуэхэм. Языныкъуэхэм цIэ щхьэхуэхэр иратащ. Вагъуэм и щытыкIэмкIэ ягъэбелджылырт Iуэхугъуэ куэд, яубзыхурт дунейм и къэхъукъащIэ зэмылIэужьыгъуэхэр. Абы теухуа тхыгъэшхуэ иIэщ тхакIуэ, усакIуэ Лыкъуэжь Нелли. Абы щыщ Iыхьэ фи пащхьэ идолъхьэ.

Сэтэней и дыщэ медаль

Кавказ Ищхъэрэм самбэмкIэ пашэныгъэр къыщыхьыным хуэунэтIауэ ныбжьыщIэхэм я зэхьэзэхуэ Шэшэным и Шали къалэм щекIуэкIащ. Абы щызэпеуащ КИФЩI-м и спортсмену, щIалэхэри хъыджбзхэри зэхэту, 250-м щIигъу. Къэбэрдей-Балъкъэрым и щIыхьыр яIэту зэхьэзэхуэм щыIащ щIалэу 40-рэ зы хъыджэбзрэ.

ХьэтIохъущыкъуей жылэм дэт курыт школ №3-м щекIуэкIащ щIыналъэхэм зэIэпах, ныбжьыщIэхэр хэкупсагъэм хуэзыгъасэ «Фэеплъ эстафетэ» Iуэхугъуэр. Абы Георгиевскэ лентIыр - Дзэ щIыхьым и дамыгъэр – щаубгъуащ. ХьэтIохъущыкъуейдэсхэм япэ ар щыIащ Iуащхьэмахуэ районым.

ЩэкIым и кIыхьагъыр метр 81-рэ мэхъу, ар Хэку зауэшхуэр зэриухрэ дэкIа илъэс бжыгъэм и дамыгъэщ.

Iимам Абу Хьэнифэ и цIэр зезыхьэ Кавказ Ищхъэрэ Ислъам университетым иджыблагъэ Iэнэ хъурей къыщызэрагъэпэщащ. Ар теухуауэ щытащ ди лIыхъужьхэм Хэкум хахуэу къулыкъу зэрыхуащIэм и щапхъэхэм.

Зэхыхьэр зэхашащ Ислъам щэнхабзэм, щIэныгъэмрэ егъэджэныгъэмрэ защIэгъэкъуэнымкIэ фондыр, Къэбэрдей-Балъкъэр Республикэм ис Муслъымэнхэм я дин IуэхущIапIэр, КъБР-м Лъэпкъ Iуэхухэмрэ жылагъуэ проектхэмкIэ и министерствэр я дэIэпыкъуэгъуу.

КъБКъУ-м и Медицинэ колледжыр, ХъыбарегъащIэ технологиехэмрэ экономикэмкIэ колледжыр, ДизайнымкIэ колледжыр къэзыухахэм IэщIагъэлIхэр щаIущIащ «Альтаир» студент центрым. НыбжьыщIэхэм гурагъэIуащ «Госуслуги» порталымкIэ дэфтэрхэр щIэплъхьэ зэрыхъур, IэщIагъэ щызрагъэгъуэт курыт еджапIэхэр къэзыухахэр университетым къызэращтэ хабзэхэм халъхьа зэхъуэкIыныгъэхэр.

Мэлыжьыхьым и 29, бэрэжьей

Къафэм и дунейпсо махуэщ 
Химие Iэщэ къызэрагъэсэбэпам и зэранкIэ дунейм ехыжахэм я фэеплъ махуэщ 
Урысейм ягу къыщагъэкIыж МЧС-м и лэжьакIуэхэу зи къалэн зыгъэзащIэу хэкIуэдахэр 
1942 гъэм Къардэн Къубатий Ленин орденыр етIуанэу къратащ. 
1964 гъэм ЩоджэнцIыкIу Алий и цIэр зезыхьэ Къэбэрдей къэрал драмэ театрым щагъэуващ «Лалуцэ» япэ балетыр. 

Дунейм и щытыкIэнур