|
|
Календарь событий
27 апреля 2026
27 апреля, 2026 - 16:57
СыщыцIыкIум къыщыщIэздзауэ, си хъуэпсапIэт «адыгей» жыхуаIэхэр (кIахэ адыгэхэр) зыхуэдэр зэгъэщIэныр, ящыщ гуэрхэм нэIуасэ сахуэхъуныр, щыпсэу щIыпIэхэм зыщысплъыхьыныр. СощIэж, «щIалэ цIынэ» псалъэхэм нэхъ хуагъакIуэ ныбжьым ситу, Къэбэрдей-Балъкъэр радиом адыгэбзэкIэ къит нэтынхэм, тедымауэ сызэредаIуэу щытари. А зэманырщ кIахэ псэлъэкIэр дыдейм къызэрыщхьэщыкIым япэу гу щылъыстари а бзэмкIэ къит уэрэдхэм едэIуэн щыщIэздзари.
27 апреля, 2026 - 16:23
Санкт-Петербург и Мариинскэ театрым и гупэм къит утым фIащащ СССР-м и цIыхубэ артист, Санкт-Петербург щIыхь зиIэ и цIыху, ди хэкуэгъу дирижёр цIэрыIуэ Темыркъан Юрэ и цIэр.
Губернатор Беглов Александр Iэ щIидзащ Санкт-Петербург къалэм и Правительствэм Адмиралтейскэ районым и Декабрист уэрамым и унэ №37-мрэ №39-мрэ я зэхуакум щыIэ утым Темыркъан Юрэ и цIэр фIэщыным теухуауэ къыхилъхьа унафэм. НэхъапэIуэкIэ а Iуэхум арэзы техъуат топонимикэ комиссэри.
27 апреля, 2026 - 16:00
Мэлыжьыхьым и 27, блыщхьэ
Урысей парламентаризмэм и махуэщ.
1906 гъэм лэжьэн щIидзащ Урысейм и Къэрал Думэм.
1952 гъэм къалъхуащ УФ-ми КъБР-ми щIыхь зиIэ я артист, КъБР-м и Къэрал саугъэтым и лауреат Шыбзыхъуэ Басир.
1958 гъэм къалъхуащ шэрджэс политик, хьэрычэтыщIэ, псапащIэ Къэзанокъуэ Руслан.
Дунейм и щытыкIэнур
«pogoda.yandex.ru» сайтым зэритымкIэ, республикэм уэшх къыщешхынущ. Хуабэр махуэм градус 17 - 18, жэщым градуси 7 - 8 щыхъунущ.
27 апреля, 2026 - 15:30
ГУГЪУЭТ Заремэ.
* * *
Махуэр щхьэхри, пыкIащ и дыгъэм,
Сэ - уи нитIым къыщIиха гугъэм.
Пшэм зэхелъхьэ емышу нэщхъ,
Махуэ къэскIэ къешхынущ уэшх.
Уэшхыр щIылъэм тощащэ щыгъэу,
Уэшхыр йобжьэ хэпхыжа гугъэм.
ТкIуэпсу хъуар шэчыгъуейуэ зэщхьщ,
Гъатхэ уэшхым сигу зэрегъэшх.
14.05.2024.
* * *
Си гум хышхуэ щобауэ,
Сэ толъкъунхэм созауэ,
Жэщым пщIыхь хэIубауэ,
Щхьэцым тхъугъэ хидзауэ,
Си гум хышхуэ щобауэ.
27 апреля, 2026 - 15:08
Хы ФIыцIэм къуэкIыпIэмкIэ щыIэ и Iуфэм Iут Геленджик (адыгэхэм зэрыжаIэу, «Хъулъыжъый»: «хъулъэ» – «хъупIэ», «жъый» - «цIыкIу») къалэм пэмыжыжьэу декIуэкI мэзылъэ джабащхьэхэм ящхьэщыт «Тхаб» («Тхыбэ», «Тхьэбэ») Iуащхьэр Кавказ Шытх Нэхъыщхьэм и къудамэ бгъунж «Къуацэгъур» тхыцIэм хохьэ.
Метр 905-рэ зи лъагагъ Тхыбэ (Тхьэбэ) Iуащхьэжьыр нэгъуэщI псыхъуэ кIэщI цIыкIухэм я къыщIэдзапIэщ, псори къэзэдэтщтэмэ, я къущхьэзэIухуэпхъщ.
27 апреля, 2026 - 14:30
Курп лъагапIэхэм узэщIакIуэ икIи тхыдэ-хэкупсэ мыхьэнэ зиIэ «ТекIуэныгъэм и диктант» Iуэхугъуэр иджыблагъэ щекIуэкIащ.
Мы гъэм а жэрдэмыр къэхъугъитIым теухуащ: Хэку зауэшхуэр къызэрыхъейрэ илъэс 85-рэ зэрырикъумрэ Совет Союзым и Маршал Жуков Георгий къызэралъхурэ илъэси 130-рэ зэрыхъуамрэ. Апхуэдэу дзэ Iуэху хэхам хэт щIалэхэм ятеухуауэ жэрдэмым лэжьыгъэ щхьэхуи мы гъэм къыхалъхьащ.
27 апреля, 2026 - 14:22
ТхакIуэ Мэржэхъу ФатIимэ и Iэдакъэ къыщIэкIа «Сосрыкъуэ теухуа хъыбархэр» тхылъыщIэм и презентацэ иджыблагъэ екIуэкIащ. ЗэIущIэм кърихьэлIащ литературэр фIыуэ зылъагъухэр, егъэджакIуэхэр, студентхэр, щэнхабзэм и лэжьакIуэхэр. Зэхыхьэр щыхьэт техъуэрт Кавказ Ищхъэрэм щыпсэу лъэпкъхэм я псэкупсэ щIэиныр хъумэнымкIэ литературэм мыхьэнэ ин зэриIэм.
|
