Календарь событий

Къэбэрдей-Балькъэрым мы махуэхэм щокIуэкI лъэ­мыж­хэмрэ псы жапIэ бжьамийхэмрэ я щытыкIэр къэп­щы­тэным ехьэлIа лэжьыгъэхэр. «Управдор» республикэ къэрал кIэзонэ IуэхущIапIэм и IэщIагъэлIхэр дапщэщи набдзэгуб­дзаплъэу кIэлъоплъ жылагъуэ шынагъуэншагъэмкIэ мыхьэнэшхуэ зиIэ IэнатIэхэм. 

КъБР-м и Iэтащхьэ КIуэкIуэ Казбек лэжьыгъэ IуэхукIэ хуэзащ Къэрал казначействэм и  управленэу Къэбэрдей-Балъкъэрым щыIэм и унафэщI IутIыж Шумахуэ. 
 
ЗэIущIахэр тепсэлъыхьащ Управ­ленэм илъэс блэкIам къриубыдэу ­республикэм и бюджетыр зэригъэзэ­щIамрэ дызэрыт илъэсым щыщу блэ-кIа мазищым яхузэфIэкIамрэ. 

КъБР-м и Iэтащхьэ КIуэкIуэ Казбек IущIащ Урысей Феде­рацэм ЮстицэмкIэ и министерствэм и управленэу Къэбэрдей-Балъкъэр Республикэм щыIэм и унафэщI Кужонов Жантемыр. Ахэр тепсэлъыхьащ цIыхухэм юридическэ Iуэху­тхьэ­бзэхэр пщIэншэу хуащIэным зегъэужьынымрэ «Про­бацэм теухуауэ» Къэрал хабзэр гъэзэщIа зэрыхъумрэ.

Владикавказ насыпыншагъэ къыщыхъуащ дыгъуасэ. КъБР-м и Iэтащхьэ КIуэкIуэ Казбек МАХ-м щиIэ напэ­кIуэ­цIым абы теухуауэ щитхащ:

«Лъэщагъышхуэ зиIэ гуэр къызэрыуам и зэранкIэ гъэ­тIы­лъыпIэхэм цIыхухэр щыхэкIуэдащ, фэбжьхэр ягъуэтащ.
Къэхъуам и щхьэусыгъуэр зэхагъэкI.
Къэбэрдей-Балъкъэрым щыпсэухэми си щхьэми къыдбгъэдэкIыу сахуогузавэ Осетие Ищхъэрэ - Алание Республикэм и Iэтащхьэ Меняйлэ Сергей, хэкIуэдахэм я унагъуэхэм. Фэбжь зыгъуэтахэр икIэщIыпIэкIэ узыншэ хъужыну ди гуа­пэщ», - щитхащ республикэм и Iэтащхьэм.

Сабийхэм загъэпсэхунымрэ я узыншагъэр ирагъэфIэкIуэнымрэ теухуа Iуэхухэр
зэкIэ­лъы­зыгъэкIуэну IуэхущIапIэхэм зэдай комиссэм и пашэщ КъБР-м и Iэтащхьэ КIуэкIуэ Казбек

Къэбэрдей-Балъкъэр Республикэм и муниципальнэ щIыналъэхэм я советым хэтхэм я зи чэзу зэIущIэр ды­гъуасэ КъБР-м и Правитель­ствэм и Унэм щрагъэкIуэкIащ.

Къэбэрдей-Балъкъэр Республикэм и Iэтащхьэ КIуэкIуэ Казбек Космонавтикэм и махуэмрэ цIыхур хьэршым зэрылъатэрэ илъэс 65-рэ зэрырикъумрэ ятеухуа и хъуэхъу

Нобэ дэ догъэлъапIэ махуэшхуэ - Гагарин Юрий хьэршым зэрылъатэрэ илъэс 65-рэ зэрырикъур. 1961 гъэм мэлы­жьы­хьым и 12-р хъуащ ди лъэпкъ гушхуэныгъэмрэ щIыхьымрэ я махуэ. А къэхъукъащIэм Дунейм цIыхуу тетыр зэкъуегъэувэ, сыту жыпIэмэ ди къэралыр щIэныгъэ-техникэ и лъэныкъуэкIэ лъэщу зэрыбэкъуам наIуэ къи­щIащ цIыхубэм я зыужьыныгъэм ехьэлIа лIэщIыгъуэщIэ къызэрыунэхуар.

Къэбэрдей-Балъкъэрым лэжьыгъэ IуэхукIэ къэкIуащ Осетие Ищхъэрэ - Алание Республикэм и Парламентым и лIыкIуэ гуп. 

IутIыж махуэшхуэм теухуа КъБР-м и
Iэтащхьэ  КIуэкIуэ Казбек и хъуэхъу

Чыристан дин зезыхьэу Къэбэрдей-Балъкъэрым щып­сэу­хэм си гум къыбгъэдэкIыу сохъуэхъу IутIыж махуэ лъапIэмкIэ!