|
|
Спорт
10 февраля, 2024 - 08:24
Налшык къалэм и «Спартак» стадионым иджыблагъэ щекIуэкIащ КъБР-м дзюдомкIэ пашэныгъэр къыщыхьыным хуэунэтIа зэхьэзэхуэ. Абы щызэпеуащ республикэм и щIыналъэ псоми я лIыкIуэхэу зи ныбжьыр илъэс 23-рэ иримыкъуа спортсмену I00-м нэблагъэ.
Къэбэрдей-Балъкъэрым СпортымкIэ и министерствэм хэIущIыIу ищIащ абы кърикIуахэр. Я хьэлъагъ елъытауэ зыхэта гупхэм щытекIуащ Пщыбий Амир, Жэмыхъуэ Марат, Ало Мухьэмэд, ТекIужь Астемыр, Абазэ Астемыр, Быф Идар, Мурзэбэч Iиляс сымэ.
9 февраля, 2024 - 06:58
Къэбэрдей-Балъкъэрым СпортымкIэ и министерствэм и пресс-IуэхущIапIэм къызэритамкIэ, «Урысейр спорт къэралыгъуэщ» къыхуеджэныгъэм щIэту иджыблагъэ Саратов къалэм щекIуэкIащ «Федерацэм и Кубокыр» араши каратэмкIэ (арашидо) къэхьыным хуэунэтIа зэхьэзэхуэ зэIуха. Абы хэтащ къэралым и щIыналъэхэм я спортсмену 200-м щIигъу, ди республикэм икIа зэуакIуэ 19 яхэту.
8 февраля, 2024 - 14:30
Мэзкуу къалэм СпортымкIэ и къэрал университетым и спорт комплексым иджыблагъэ щекIуэкIащ «Урысей щIымахуэ» атлетикэ псынщIэмкIэ XXXIII дунейпсо зэхьэзэхуэр. Абы хэтащ Олимп джэгухэм я чемпионкэ, Къэбэрдей-Балъкъэрым щыщ Ласицкене (Кучинэ) Марие икIи етIуанэ увыпIэр къихьащ.
8 февраля, 2024 - 14:00
Мэзкуу къалэм и «Олимпийская деревня-80» спорт ухуэныгъэм иджыблагъэ щекIуэкIащ УФ-м и къалащхьэм алыдж-урым бэнэкIэмкIэ пашэныгъэр къыщыхьыным хуэунэтIа зэхьэзэхуэ. Абы щызэпеуащ къэралым и щIыналъэхэм щыщ бэнакIуэхэу зи ныбжьыр илъэс 18 иримыкъуахэр.
6 февраля, 2024 - 11:11
ЕсэнтIыгу къалэм махуищкIэ щызэхэтащ Кавказ Ищхъэрэм и щIыналъэхэм баскетболымкIэ ирагъэкIуэкI «Локобаскет – еджакIуэхэм я лигэ» зэхьэзэхуэм и кIэух запеуэр.
6 февраля, 2024 - 09:07
Кавказ Ищхъэрэм алыдж-урым бэнэкIэмкIэ пашэныгъэр къыщыхьыным хуэунэтIа зэхьэзэхуэ иджыблагъэ Налшык къалэм щекIуэкIащ.
5 февраля, 2024 - 12:27
Къэбэрдей-Балъкъэрым щыщу иджырей спорт лIэужьыгъуитхумкIэ зэхьэзэхуэхэм хэтхэм Новгород Ипщэм иджыблагъэ щекIуэкIа урысейпсо зэпеуэм ехъулIэныгъэфIхэр щызэIэрагъэхьащ. Апхуэдэ хъыбар къитащ Урысейм Иджырей пятиборьемкIэ и федерацэм и пресс-IуэхущIапIэм.
5 февраля, 2024 - 10:13
Бахъсэн къалэм ЩоджэнцIыкIу Алий и цIэр зэрихьэу дэт курыт еджапIэ №2-м иджыблагъэ щекIуэкIащ стIолыщхьэ теннисымкIэ зэхьэзэхуэ. Абы кърихьэлIащ КъБР-м и Парламентым и депутат Бещто Артур, республикэм и Парламентым и ЩIалэгъуалэ палатэм хэтхэу Нэгъуей Арианнэ, АфэщIагъуэ Анзор, Къаскъул Аскэр сымэ, нэгъуэщIхэри.
4 февраля, 2024 - 10:44
Мэзкуу къалэм и «Лужники» куейм самбэмкIэ щыIэ дунейпсо центрым иджыблагъэ щекIуэкIащ дзюдомкIэ «ЛокоДзюдо-2023» урысейпсо зэхьэзэхуэм и кIэух зэпеуэр. Абы хэтащ республикэм и «Локомотив» командэр икIи медалитху абы къыщихьащ.
4 февраля, 2024 - 08:00
Кисловодск къалэм иджыблагъэ щекIуэкIащ Ставрополь крайм кикбоксингымкIэ и чемпионатрэ пашэныгъэр къэхьыным хуэунэтIа зэхьэзэхуэрэ. Хэгъэрейхэм нэмыщI, зэпеуэхэм хэтащ Къэбэрдей-Балъкъэрым, Къэрэшей-Шэрджэсым, Осетие Ищхъэрэ - Аланием, Ростов областым я лIыкIуэхэр, я ныбжькIэ илъэсий хъухэм къыщыщIэдзауэ нэхъыжьхэмрэ.
Страницы
|
