КомплексыщIэр нагъэблэгъащ

«Урысей Федерацэм физкультурэмрэ спортымрэ зыщегъэужьыныр» федеральнэ программэ хэхам ипкъ иткIэ, Дзэлыкъуэ къуажэм дащIыхь метр зэбгъузэнатIэ минитIым щIигъу къызэрыкI физкультурэ комплексыщIэ. Проектым ипкъ иткIэ, ар унитIу зэхэтынущ. Зым зыгъэпскIыпIэ щащIынущ, есыпIэм метр 25-рэ и кIыхьагъыу. ЕтIуанэ пэшым спортым зыщыхуагъэсэнущ, абы зэхьэзэхуэ зэмылIэужьыгъуэхэм еплъхэм я тIысыпIэхэри иIэнущ. ПэшитIым зытIэщIыпIэхэр, псы зыдэгъэжэхыпIэхэр, гъэсакIуэхэмрэ медицинэм и лэжьакIуэхэмрэ щылэжьэну пэшхэр хэтынущ.

Лэжьыгъэхэр IыхьитIу зэпыудауэ къызэрагъэпэщащ. 2018 гъэм блынхэр дращIейри, унащхьэр къытралъхьэжащ икIи а лэжьыгъэхэм сом мелуан 38,7-рэ трагъэкIуэдащ. Дызэрыт илъэсым къэна лэжьыгъэхэм сом мелуан 52,2-рэ текIуэдэнущ. Узыншагъэр щрагъэфIакIуэ физкультурэ комплексыр къызэIуахыну я мурадщ дызэрыт илъэсым дыгъэгъазэм и 31-м.
Нобэм ирихьэлIэу ухуэныгъэ-монтаж лэжьыгъэ псори зэфIагъэкIащ, канализацэмрэ электролинэхэмрэ яукъуэдиящ. Иджыпсту унэр и хъуреягъкIэ зэрахьэ, псымрэ хуабэмрэ щIашэ, ахэр зыхуэфащэ сетхэм зэрыпащIэнум зыхуагъэхьэзыр.

Щокъуий Аминэ.
Поделиться: