Республикэм щыщ гвардейцхэр даIыгъ

Лъэпкъ гвардием и 2-нэ дзэ госпиталу Псыхуабэ къалэм дэтым щIэлъ зауэлIхэм папщIэ псапэ Iуэху иджыблагъэ иригъэкIуэкIащ Къэбэрдей-Балъкъэр Республикэм и Жылагъуэ палатэм. 

Акцэм хыхьэу абы концерт щатащ Кавказ Ищхъэрэм ГъуазджэхэмкIэ и къэрал институтым и студентхэмрэ КъБКъУ-м и «АмикС» гупым щыщхэмрэ. Апхуэдэуи концертым хэтащ Къэбэрдей-Балъкъэрымрэ Ингуш Республикэмрэ щIыхь зиIэ я артисткэ Даур Иринэ. 
- ФIыщIэ фхудощI дзэ къулыкъущIэхэм гулъытэ къазэрыхуэфщIам папщIэ. ЩIалэхэм я гукъыдэжыр къэфIэтащ икIи ар хуэщхьэпэнущ абыхэм я узыншагъэр нэхъ псынщIэу зэфIэувэжыным, - жиIащ госпиталым и унафэщIым и къуэдзэ подполковник Рудаков Владимир. 
Iуэхур къызэрагъэпэщащ «Кавказ гъунапкъэ» дзэ-хэкупсэ къэлъыхъуакIуэ гуп» жылагъуэ зэгухьэныгъэмрэ «Мирт» социощэнхабзэ проектхэр дэIыгъынымкIэ центр» АНО-мрэ я жэрдэмкIэ. Апхуэдэуи госпиталым щIэлъхэм гуманитар дэIэпыкъуныгъэ яIэрыхьащ Къэбэрдей-Балъкъэрым и хьэрычэтыщIэхэм къабгъэдэкIыу. 
 

БАХЪСЭН Ланэ.
Поделиться: