Зэрылэжьар къапщытэжри, адэкIэ я къалэнхэри яубзыхуащ

КIуэкIуэ Казбек лэ­жьыгъэ IуэхукIэ ­хуэзащ КъБР-м и Профсоюзхэм я федерацэм и унафэщI ­Амщокъуэ ФатIимэт. Зэ­IущIэм щытепсэ­лъы­хьащ 2021 гъэм IуэхущIапIэм иригъэкIуэкIа лэ­жьыгъэхэмрэ дызэрыт илъэ­сым къапэ­щылъ­хэмрэ.

Мы гъэм и пэщIэ­дзэм ирихьэлIэу респуб­ликэм и профсоюзхэм хэтщ цIыху мини 104-м щIигъу.
Зэгухьэныгъэм и къалэнщ IэнатIэ Iутхэм лэ­жьыгъэ, социально-экономикэ я лъэныкъуэкIэ я хуитыныгъэхэр хъумэныр, абы хыхьэу лэжьыгъэм и хабзэхэр къызэры­зэ­пау­дыр къыщIэгъэщынымрэ IуэхущIапIэхэм гупхэм ира­щIылIэ зэгурыIуэныгъэхэр зэхэлъхьэнымкIэ дэIэпыкъуэгъу яхуэ­хъуныр. Техническэ кIэлъыплъыныгъэм хэту лэжьыгъэр хъу­мэнымкIэ унафэр зэрагъэзащIэр жылагъуэ къэпщытэныгъэм щIагъэуващ. IэнатIэ Iутхэмрэ профсоюзым хэтхэмрэ лэжьыгъэ, социально-экономикэ я лъэныкъуэкIэ я хуитыныгъэхэм теухуауэ КъБР-м и Правительствэм и унафэрэ мардэ-правовой акту 78-м я проектхэм хэплъащ.

2021 гъэм Профсоюзхэм я федерацэм щIалэгъуалэм лэ­жьыгъэшхуэ ядригъэкIуэкIащ. Жыджэру профсоюзхэм хэт ныбжьыщIэхэм сыт и лъэныкъуэкIэ дэIэпыкъуэгъу яхуэхъуащ грантхэр къаIэрыхьэнымкIэ, «Стратегический резерв», «Профсоюзы. 21 век» урысейпсо форумхэм хэтынымкIэ.
КъБР-м и профсоюзхэм я зэгухьэныгъэм и зи мычэзу ебгъуа­-нэ конференцэм абы и уставым зэхъуэкIыныгъэхэр щыхалъ­хьащ. IуэхущIапIэм и фIэщыгъэр яхъуэжащ: иджы абы зэре­-джэр Къэбэрдей-Балъкъэр Республикэм и Профсоюзхэм я федерацэм и союзщ. IэнатIэм и унафэщIым зэрыжиIэмкIэ, IуэхущIапIэм щекIуэкI лэжьыгъэм и фIагъым хэхъуэнымкIи абы и мыхьэнэр къэIэтынымкIи ар щхьэпэ хъуащ.
Накъыгъэм и 1-м ирагъэкIуэкIыну яубзыхуа зэхыхьэхэм ящы­-щу КъБР-м и Профсоюзхэм я федерацэр хэтынущ УФ-м и Пре­зидент Путин Владимир къищта унафэмрэ Урысей армэм и ­IуэхущIафэхэмрэ зэрыдаIыгъыр къагъэлъагъуэу къызэрагъэ­пэщэну Iуэхум - Урысейпсо автомашинэ къэжыхьым. Ар екIуэ­кIы­нущ «Zа мир, Труд! Май!», «Zа мир без нацизма!» къыхуеджэныгъэхэм щIэту. Абы хэтынущ Урысейм и щIыналъэ псоми я профсоюз унафэщIхэмрэ пашэхэмрэ.
ЗэIущIэм щыжаIахэм ипкъ иткIэ щIыналъэм и къэрал органхэм я гъэзэщIакIуэ властымрэ КъБР-м и Профсоюзхэм я феде­рацэмрэ лэжьыгъэм и хабзэхэр, узыншагъэмрэ лэжьыгъэмрэ ­хъумэныр зэрагъэзащIэм кIэлъыплъыным, IэнатIэ Iутхэм я социальнэ шэсыпIэхэр гъэмэщIа мыхъуным теухуауэ зэры­зэ­дэлэжьэнур яубзыхуащ.

Поделиться: