Секретарым и дунейпсо махуэщ
Урысей парламентаризмэм и махуэщ. 1906 гъэм лэжьэн щIидзащ Урысейм и Къэрал Думэм – парламентаризмэм и лъабжьэхэр къэралым щызыгъэтIылъам.
Саха (Якутие) Республикэм и махуэщ. Абы щагъэлъапIэ ар къыщызэрагъэпэща (1922 гъэм), и конституцэщIэр къыщащта (1992 гъэм) махуэхэр
Урысейм и МВД-м и къэрал кIуэцI дзэхэм я часть хэхахэм я махуэщ
УФ-м и нотариальнэ IуэхущIапIэхэм я махуэщ
Финляндием щагъэлъапIэ ветеранхэм я махуэр
Словением и ЩхьэхуитщIыжакIуэ фронтым и махуэщ
1702 гъэм Пётр Езанэм къыдигъэкIащ, яIыгъ диным щхьэкIэ емыныкъуэкъуу, нэгъуэщI къэралхэм я цIыхухэр Урысейм къэкIуэну хуит зыщI унафэр. Европэм къикIыурэ къэралым къакIуэу хуежьащ кхъухь, Iэщэ щIыным хуэIэкIуэлъакIуэ IэщIагъэлIхэр, ухуакIуэ Iэзэхэр, дзэ инженерхэр.
1908 гъэм мылым лъэрыжэкIэ къыщыфэныр Олимп джэгухэм я программэм хагъэхьащ.
1908 гъэм Инджылызым и къалащхьэ Лондон къыщызэIуахащ IV гъэмахуэ Олимп джэгухэр. Ахэр щызэхуащIыжар жэпуэгъуэм и 31-рщ.
1961 гъэм СССР-м къыщызэрагъэпэщащ Мамырыгъэм хуэлажьэ фонд.
1974 гъэм Байкал-Амур гъущI гъуэгур (БАМ-р) ухуэн щIадзащ.
1927 гъэм къалъхуащ совет актёр, режиссёр, РСФСР-м щIыхь зиIэ и артист Моргунов Евгений.
1933 гъэм къалъхуащ сабий дохутыр, хирург цIэрыIуэ, медицинэ щIэныгъэхэмкIэ доктор, жылагъуэ лэжьакIуэ Рошаль Леонид.
1952 гъэм къалъхуащ УФ-ми КъБР-ми щIыхь зиIэ я артист, КъБР-м и Къэрал саугъэтым и лауреат Шыбзыхъуэ Басир.
1958 гъэм къалъхуащ шэрджэс политик, хьэрычэтыщIэ, псапащIэ Къэзанокъуэ Руслан.
1967 гъэм къалъхуащ театрымрэ киномрэ я актёр, УФ-м и цIыхубэ артист Лазарев Александр.
1969 гъэм къалъхуащ урысей уэрэджыIакIуэ цIэрыIуэ, композитор, УФ-м щIыхь зиIэ и артист Михайлов Стас.
1986 гъэм къалъхуащ урысей теннисисткэ, УФ-м спортымкIэ щIыхь зиIэ и мастер, 2008 гъэм Пекин щекIуэкIа Олимп джэгухэм дыжьын медаль къыщызыхьа Сафинэ Динарэ.
Дунейм и щытыкIэнур
«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градус 22 – 25-рэ, жэщым градус 14 - 15 щыхъунущ.
Лъэпкъ Iущыгъэ:
КъыпкIэлъымыкIуэм узыкIэлъигъэкIуэнукъым.
