Дахагъэр зи IэрыкIхэрНалшык и къалэкумрэ абы и Iэхэлъахэмрэ япэу зыкъэзыIэта удзыр къыщах. Иджырей техникэхэмкIэ къызэгъэпэща коммунальшикхэр щолажьэ Хъурэным и уэрамым хуэзэ лъэс зекIуапIэщIэм, Дэшхуей хадэм, ХьэтIохъущокъуэм и жыг хадэм, Балъкъэр драмэ тетрым и Iэхэлъахэм. Удзыр пыгъэщхъуным хуащIа трактор цIыкIухэр жыг здэщымыт нэхъ щIыIэнэщI хуитхэм щохэ, жыг щIагъхэр Iэрыгъэлажьэ электрокосилкэхэмкIэ щIагъэкъэбзыкIри, удз щхъуантIэр занщIэу Iуаш. Накъыгъэр къэмысу коммунальщикхэм зэщIагъэкъэбзэнущ къалэм и уэрамыбгъухэри скверхэри. Гъатхэм дызэрытехьэрэ фэтэр унэ зэтетхэм я пщIантIэхэми лэжьыгъэр щызэпыуркъым. БжэIупэ удз гъэкIыпIэхэм ящыщ куэдыр узыпхымыплъыфу жыг къуацэхэмрэ щхъуантIагъэ дэжейхэмрэ ясеят. Апхуэдэ щIыпIэхэр щагъэкъэбзащ Лениным и проспектымрэ Къэрэшей уэрамымрэ я зэхэкIыпIэм пэмыжыжьэ лъэс зекIуапIэм, Хъураным, ПащIэм я уэрамыбгъухэм. КъалэщIыб лэжьыгъэхэри зэпыуркъым. Осетинскэ, КIыщокъуэм и цIэр зезыхьэ уэрамхэм хуэзэ Налшыкыпс Iуфэм мы махуэхэм щыхасащ ди дежкIэ щIэщыгъуэ дыдэ жыг лIэужьыгъуэу щэщI. Ахэр я теплъэкIэ зэрыдахэм имызакъуэу, щIэхи хохъуэ - зы илъэсым хуэзэу сантиметр 15-кIэ. ЗэрыжаIамкIэ, етIанэгъэ нэхъ фIимышу псы Iуфэр къэщIэрэщIэнущ. Абыхэм я зы лIэужьыгъуэ «Iэдэм и жыг»-кIэ зэджэм и гъэгъа къудейр мазэрэ ныкъуэкIэ мыгъуэлэжу пытщ, тхьэмбылыфэрэ хужьу зэхэт и гъэгъахэм къапих мэ гуакIуэм бжьэ цIыкIухэр уэру ирашалIэ, абы къыхащIыкI фор хущхъуэгъуэ зыхэлъ нэхъыфIхэм хабжэ. Жыгым къыпих хьэуаращи, тхьэмбылыр егъэкъабзэ, цIыхум и узыншагъэмкIи сэбэпышхуэу къалъытэ. Къэбэрдей-Балъкъэрыр къызэрыунэхурэ илъэси 100 зэрырикъум ехьэлIауэ къыхалъхьа «Гуапагъэм хуэгъэпса Iуэхуищэ» лъэпкъ проектым хиубыдэу ди щыхьэрым и щIыпIэу 7-м жыгыщIэхэмрэ щхъуантIагъэхэмрэ куэду щыхасэнущ. Лэжьыгъэхэр зэкъуэту кърахьэлIэ «Экологистика» ООО-рэ Налшык къалэ администрацэмрэ.
Поделиться:
Читать также:
25.03.2024 - 15:00 →
ЩIалэгъуалэм я унэтIакIуэ
25.03.2024 - 13:30 →
Иджырей мардэм къитIасэу
25.03.2024 - 12:30 →
Электрокъарууэ къэдлэжьым дрикъужу
25.03.2024 - 12:15 →
Къурш хъыбар
21.03.2024 - 17:55 →
ГъэшхэкIым щIэупщIэ иIэщ
|