Дунейм щыхъыбархэрНобэ ♦Фашист гъэрыпIэм исахэр хуит къызэращIыжам и дунейпсо махуэщ. 1945 гъэм гъатхэпэм и 11-м, IэщэкIэ щэхуу зызэщIаузадэри, къызэрыIэтауэ щытащ Бухенвальд нэмыцэ лагерым исхэр. ♦Паркинсон узыфэм ебэныным и дунейпсо махуэщ. А узыфэр къэзыхута дохутыр Паркинсон Джеймс къыщалъхуа махуэм (1755 гъэм мэлыжьыхьым и 11-м) техуэу ягъэуващ 1997 гъэм. ♦Кърым Республикэм и Конституцэм и махуэщ. 2014 гъэм мэлыжьыхьым и 11-м Кърым Республикэм и Къэрал Советым къищтащ. ♦1147 гъэм япэ дыдэу къагъэсэбэпауэ щытащ «Москва» псалъэр. ♦1803 гъэм Франджым нэгъуэщI къэрал IуэхухэмкIэ и министр Талейран Шарль жэрдэм къыхилъхьащ я Луизианэ щIыналъэр зэрыщыту США-м иращэным теухуауэ. ♦1857 гъэм император Александр ЕтIуанэм Урысейм и Къэрал гербыр – щхьитI зыфIэт бгъэр зыхэщIыхьар - къэщтэным теухуа унафэ ищIащ. ♦1909 гъэм Тель-Авив къалэм (Израиль) и лъабжьэр ягъэтIылъащ. ♦1919 гъэм ЛъэпкъхэмкIэ Лигэм егъэщIылIауэ къызэрагъэпэщащ ЛэжьыгъэмкIэ дунейпсо зэгухьэныгъэр. ♦1944 гъэм Керчь къалэр фашистыдзэхэм къыIэщIагъэкIыжащ. ♦1892 гъэм къалъхуащ адыгей тхыбзэр зэхэзылъхьа узэщIакIуэ БекIухъу Ахьмэд. ♦ 1894 гъэм къалъхуащ совет циркым и артист, иллюзионист цIэрыIуэу щыта Кио Эмиль (и унэцIэ дыдэр Гиршфельдщ). ♦1931 гъэм къалъхуащ УФ-м щэнхабзэмкIэ щIыхь зиIэ и лэжьакIуэ, журналист КIасэ Чэмал. ♦1940 гъэм къалъхуащ Сорбоннэ дэт университетыр къэзыуха, филологие щIэныгъэхэм я доктор Батокъуэ Нияз. ♦1942 гъэм къалъхуащ СССР-м и кхъухьлъатэзехуэ-космонавт, Совет Союзым и ЛIыхъужь, Адыгейм къыщалъхуа Березовой Анатолий. ♦1948 гъэм къалъхуащ совет футболист, спортым и мастер, Урысейм щIыхь зиIэ тренер Ярцев Георгий. ♦1954 гъэм къалъхуащ актёр цIэрыIуэ, УФ-м и цIыхубэ артист Гаркалин Валерий. ♦1956 гъэм къалъхуащ Налшык къалэм къыщалъхуа уэрэджыIакIуэ цIэрыIуэ, КъБР-мрэ Ингушымрэ я цIыхубэ артист, КъШР-м щIыхь зиIэ и артист Амирамов Ефрем. ♦1966 гъэм къалъхуащ КъБР-м щIыхь зиIэ и артисткэ Аслъэн Iэсият. Дунейм и щытыкIэнур «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 19 - 21-рэ, жэщым градуси 9 - 10 щыхъунущ. Лъэпкъ Iущыгъэ: ТэмакъкIыхьыгъэр насыпыфIагъэщ, тэмакъкIэщIыгъэр насыпыншагъэщ.
Поделиться:
Читать также:
17.04.2024 - 11:48 →
Дунейпсо щIэиным и махуэ
17.04.2024 - 11:43 →
НОБЭ
16.04.2024 - 15:51 →
Вагъуищым я нэхъ цIыкIум
16.04.2024 - 11:18 →
Псалъэжьхэр
16.04.2024 - 07:08 →
НОБЭ
|