ЗэгъэзэхуэкIэм хуаущий

9 апреля, 2022 - 07:00

Илъэс къэс Урысейм щокIуэкI сабийхэмрэ ныбжьыщIэхэмрэ ахъшэм и зэгъэзэхуэкIэм хуэгъэсэным теухуа Iуэхухэр. Абы хиубыдэу, Къэбэрдей-Балъкъэр гуманитар-техникэ колледжым къыщызэрагъэпэщащ «ЩIэныгъэм и аукцион» зыфIаща зэ­пеуэр.

2021 гъэм а зэпеуэм и жэрдэмщIакIуэхэм грант къратащ. ДжэгукIэ Iэмалыр къагъэсэбэпурэ сабийхэмрэ ныбжьыщIэхэмрэ ахъшэр зищIысыр ирагъащIэ. Интернат зыбжанэм щрагъэкIуэкIащ абы хухэха дерс зэIухахэмрэ тренингхэмрэ. 
- Проектым мыхьэнэ иIэу къыдолъытэ щIэблэм сомыр зэрагъэзэхуэфу, хабзэм темыкIыу къагъэсэбэпыфу гъэсэнымкIэ. Аращ мы IуэхумкIэ ди мурадыр, - жиIащ КъБР-м и Жылагъуэ палатэм и деж щыIэ щIалэгъуалэ советым хэт, экономикэ щIэныгъэхэм и кандидат Тау Стеллэ.
Зэпеуэм щытекIуахэм иратащ проектым и дамыгъэ бжьэр зи теплъэ статуэткэр. 
Мы Iуэхур къызэзыгъэпэщахэм я дэIэпыкъуэгъущ «Урысей щIалэгъуалэ» зэгухьэныгъэр, КъБР-м и Жылагъуэ палатэм  деж щыIэ щIалэгъуалэ советыр, Къэбэрдей-Балъкъэр гуманитар-техникэ колледжыр, КъБР-м ЕгъэджэныгъэмкIэ, щIэныгъэмрэ щIалэ­гъуалэм я IуэхухэмкIэ и министерствэр, «Ппэгъунэгъум дэIэпыкъу» жылагъуэ зэгухьэныгъэр.  
 

НафIэдз Мухьэмэд.
  • 13 просмотров
Поделиться:

Читать также:

15.04.2024 - 14:52 → Агуий и Iэхэлъахэм
15.04.2024 - 12:10 → Гагарин и гуфIэкIэ
11.04.2024 - 09:30 → УнафэщIхэмрэ IэнатIэ лъыхъуэхэмрэ зэрощIэ
10.04.2024 - 11:00 → Дисанэ и ехъулIэныгъэ
08.04.2024 - 12:46 → Мазэм и хъыбар