Ди щыхьэрыр зэIузэпэщ ящI

Налшык и уэрам нэ­хъыщ­хьэм, Лениным и проспектым, и лъэс зе­кIуа­пIэм йолэжь.

Илъэс куэд щIауэ абы телъ асфальт телэ­жьы­кIар трагъэкъэбзыкIри мывэ кIэщхъ тракIутащ. Зэрыубэ техникэмкIэ ар зэтес ящI. Сэкъатышхуэ зиIа щIы­пIэхэр яузэхуащ, лэжьыгъэхэр зэфIэкIыху абы щызекIуэ цIыхухэм къатемыхьэлъэн хуэдэу пшахъуэ щабэр икухэм тракIутащ.
Иджыпсту щIадзауэ лъа­гъуэм тралъхьэну плит­к­эхэр гъуэгубгъу­хэм щагъэтIылъ. Зэман кIыхь­кIэ мыхъейуэ икIи темы­лэ­жьыкIыу зэри­лъы­нур нэ­рылъагъуу, ахэр Iувщ.
Iуэхум къыдэкIуэу лъэс зекIуапIэм ибгъу­хэри зэIу­зэпэщ ящIынущ, гъэ ­кIуам уэрамым и кIыхьагъкIэ ехыу щаухуа автобус къэу­вы­IэпIэ дахэхэм екIун хуэдэу. 
Лъэс лъагъуэм и мы­за­къуэу, Лениным и проспектым тет удз гъэ­кIыпIэхэри, тыкуэн ­щIы­хьэпIэ утхэри ягъэ­дэ­хэнущ. Мывэмрэ пшахъуэм­рэ кърашалIэ Аруан районым и ­гъуэ­гу­ухуэ управленэм и автомашинэ хьэ­лъэхэм. Накъыгъэм и махуэш­хуэхэм уэрам нэ­хъыщ­хьэр зэIузэпэщу IущIэнущ.