Дунейм щыхъыбархэрНобэ ♦ЩэхуакIуэхэм я хуитыныгъэхэр хъумэным и дунейпсо махуэщ ♦Социальнэ лэжьыгъэ егъэкIуэкIыным и дунейпсо махуэщ ♦Тюленым и шырыр хъумэным и дунейпсо махуэщ ♦Беларусь Республикэм и лъэпкъ гуфIэгъуэщ – я Конституцэм и махуэщ. Ар 1994 гъэм Белоруссием и Совет нэхъыщхьэм къищтащ. ♦1892 гъэм Инджылызым щыщ хьэрычэтыщIэ Холдинг Джон «Ливерпуль» футбол командэр къызэригъэпэщащ. ♦1917 гъэм ПIалъэкIэ щыIэ Правительствэм и орган Тэрч къыщызэрагъэпэщащ. ♦1927 гъэм ДнепроГЭС-р ухуэн щIадзащ. ♦1938 гъэм Сауд Хьэрыпым и щIыналъэм щIыдагъэ япэу къыщагъуэтащ. ♦1939 гъэм нацист Германием Чехословакиер иубыдащ. ♦1946 гъэм СССР-м хыхьэ республикэхэм я ЦIыхубэ комиссархэм я советхэр Министрхэм я Совет жиIэу зэрахъуэкIащ. ♦1990 гъэм Совет Союзым и цIыхубэ депутатхэм я ещанэ зи мычэзу съездым къэралым и Совет Нэхъыщхьэм и УнафэщI Горбачёв Михаил СССР-м и президенту щыхахащ. А махуэ дыдэм зэхэтащ ар а къулыкъум зэрыпэрыувэм ехьэлIа гуфIэгъуэ зэхыхьэри - къэралым и цIыхубэм хьэлэлу яхуэлэжьэну тхьэ зэриIуэм теухуа дауэдапщэр екIуэкIащ. ♦1880 гъэм къалъхуащ адыгэхэм я цIыхубэ лIыхъужь Къылыш СулътIан-Джэрий. ♦1913 гъэм къалъхуащ адыгей драматург, актрисэ, критик Натхъуэ Долэтхъан. ♦1924 гъэм къалъхуащ совет тхакIуэ цIэрыIуэ, Социалист Лэжьыгъэм и ЛIыхъужь, Хэку зауэшхуэм хэта, Лениным и цIэр зезыхьэ саугъэтыр, СССР-м и Къэрал саугъэтыр (тIэунейрэ) зыхуагъэфэща Бондарев Юрий. «Освобождение» киноэпопее цIэрыIуэм и сценарийр зытхауэ щытар аращ. ♦1924 гъэм къалъхуащ совет актёр, СССР-м и цIыхубэ артист, Станиславскэм и цIэр зезыхьэ саугъэтыр, СССР-м и Къэрал саугъэтыр (тIэунейрэ) зрата Самойлов Владимир. ♦1930 гъэм къалъхуащ физик цIэрыIуэ, академик, Нобель и саугъэтым и лауреат, СССР-м, УФ-м я Къэрал саугъэтхэр зрата, «Хэкум и пащхьэ щиIэ фIыщIэхэм папщIэ» орденым и нагъыщэ псори зрата Алфёров Жорес. ♦1934 гъэм къалъхуащ Иорданием и профсоюз лэжьакIуэу щыта, Амман дэт Адыгэ ФIыщIэ Хасэм и тхьэмадэ, Хьэшимит къэралыгъуэм и сенатору лэжьа Къардэн Самир. ♦1937 гъэм къалъхуащ совет тхакIуэ, Социалист Лэжьыгъэм и ЛIыхъужь, СССР-м и Къэрал саугъэтыр тIэунейрэ, УФ-м и Къэрал саугъэтыр зыхуагъэфэща Распутин Валентин. ♦1974 гъэм къалъхуащ публицист, Адыгэ Республикэм щIыхь зиIэ и журналист ТIэш Светланэ. ♦1974 гъэм къалъхуащ Урысейм Псым хэлъэнымкIэ и федерацэм и вице-президент, УФ-м спортымкIэ щIыхь зиIэ и мастер, Олимп джэгухэм тIэунейрэ я чемпион Саутин Дмитрий. Абы и закъуэщ Псым хэлъэнымкIэ олимп медалий зиIэр. Дунейм и щытыкIэнур «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градуси 7 - 10, жэщым градуси 2 - 3 щыхъунущ. Лъэпкъ Iущыгъэ: Адыгэм я нэхъ тхьэмыщкIэри бысымщ.
Поделиться:
Читать также:
18.04.2024 - 16:13 →
НОБЭ
17.04.2024 - 11:48 →
Дунейпсо щIэиным и махуэ
17.04.2024 - 11:43 →
НОБЭ
16.04.2024 - 15:51 →
Вагъуищым я нэхъ цIыкIум
16.04.2024 - 11:18 →
Псалъэжьхэр
|