Дунейм щыхъыбархэр

Нобэ

♦МафIэдзым (сенычым) и дунейпсо махуэщ

♦Индием щагъэлъапIэ гъатхэмрэ плъыфэ зэмыфэгъухэмрэ я махуэр

♦1796 гъэм Бонапарт Наполеон франджы армэм и унафэщIу ягъэуващ.

♦1855 гъэм Урысейм и император хъуащ Александр ЕтIуанэр.

♦1911 гъэм Пятницкий Митрофан къызэригъэпэща урыс цIыхубэ хорыр япэу утыку къихьащ - Москва концерт щитащ. Иджыпсту ар Пятницкэм и цIэр зезыхьэ къэрал академическэ урыс цIыхубэ хорщ.

♦1919 гъэм Москва къыщызэрагъэпэщащ финансхэмкIэ институт. Иджыпсту ар Урысей Федерацэм и Правительствэм и Финанс академиерщ.

♦1919 гъэм Коминтерным и япэ съездыр Москва щызэхэтащ.

♦1949 гъэм ЩIым и хъуреягъыр къемытIысэхыу япэ дыдэу къалъэтыхьащ. Галлахер Джеймс зэригъакIуэ кхъухьлъатэм а гъуэгуанэр сыхьэт 94-рэ 1 дакъикъэкIэ зэпичат.

♦1983 гъэм дунейм щыяпэу Инджылызым щагъэлъэгъуащ компакт-дискыр.

♦1986 гъэм Инджылызым и пащтыхь гуащэ Елизаветэ ЕтIуанэм Канберрэ Iэ щытридзащ Австралиер я къэралым и унафэ зэрыщIэмытыжым теухуа дэфтэрым.

♦1563 гъэм къалъхуащ Грозный Иванрэ Гуащэнэрэ (Мариерэ) я къуэ Василий.

♦1805 гъэм къалъхуащ тхыдэдж, Кавказым и этнограф, адыгэхэм куэдрэ ятетхыхьа Люлье Леонтий.

♦1823 гъэм къалъхуащ урыс еджагъэшхуэ, щIэблэр егъэджэныр щIэныгъэр и лъабжьэу зэтеухуэнымкIэ фIыщIэшхуэ зыбгъэдэлъ Ушинский Константин.

♦1920 гъэм къалъхуащ адыгей усакIуэ, Совет Союзым и ЛIыхъужь Андырхъуей Хъусен.

♦1931 гъэм къалъхуащ урысей политик, Нобель и саугъэтыр зыхуагъэфэща, СССР-м и япэ икIи и иужьрей Президенту щыта, жылагъуэ лэжьакIуэ Горбачёв Михаил.

♦1936 гъэм къалъхуащ СССР-м и цIыхубэ артисткэ, Совет Союзым и Къэрал саугъэтыр зрата Саввинэ Ие.

♦1938 гъэм къалъхуащ урысей модельер, сурэтыщI, къигупсыс фэилъхьэгъуэ телъыджэхэмкIэ дуней псом цIэрыIуэ щыхъуа Зайцев Вячеслав.

♦1947 гъэм къалъхуащ РСФСР-м и цIыхубэ артист Богатырёв Юрий.

Дунейм и щытыкIэнур

«pogoda.yandex.ru» сайтым зэритымкIэ, Налшык уфауэ щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градуси 8 - 9, жэщым градуси 3 - 5 щыхъунущ.

Лъэпкъ Iущыгъэ:

Гъуэгум лъыхъуэркъым - щIоупщIэ.