Куэцэ Идар и вагъуэ

Николаев Юрий и музыкэ академием къызэригъэпэща «Пщэдджыжь вагъуэ» дунейпсо зэпеуэ зэIухам ­щытекIуащ ди республикэм щыщ, ­КъБКъУ-м уэрэдымрэ ­къафэмкIэ и «Амикс» уэрэджыIакIуэ гупым хэт Куэцэ Идар.

КъэпщытакIуэ гупым щыщхэм ­бал нэхъыбэ зыхуагъэфэщар Къэ­бэрдей-Балъкъэрым икIа, зи хьэрхуэрэгъухэм ефIэкIыу  къалъыта Куэ­цэ Идарщ. Иджы уэрэджыIакIуэм къы­пэщылъщ ма­къамэм щиIэ зэ­фIэкIхэр «Голос.   Дети» зэпеуэм щигъэлъэгъуэну.
КъыжыIапхъэщ Куэцэ Идар мыр и щыпэ текIуэныгъэу зэрыщымытыр. Уэ­рэджыIакIуэр щытекIуащ усэ, прозэ ­къеджэнымкIэ «Зажигаем новые звёзды» V дунейпсо фестиваль-зэ­пеуэм (Cочэ), Крутой Игорь и академием къы­зэригъэпэща «Академия талантов» урысейпсо фестивалым (Краснодар), «Твой голос» дунейпсо фестиваль-зэ­пеуэм (Москва), «Радуга над Нальчиком» дунейпсо зэхьэ­зэхуэм (Налшык), «Золотой голос России» дунейпсо фестивалым (Моск­ва), нэгъуэщI зэхьэ­зэ­хуэхэми.
Макъамэм зэфIэкI инхэр щызэ­- ­зы­гъэхъулIэ, республикэм и цIэр ­фIы­кIэ зы­гъэIу Куэцэ Идар я гъэсэнщ Гараевэ Полинэрэ Кононовэ-­Навицкая Иринэрэ.
ДыкIэлъывгъэплъ мэрем пщыхьэщ­хьэхэм къигъэлъагъуэ «Голос. Дети» зэпеуэм хэту Идар зыкъыщигъэлъэгъуэнум. Дохъуэхъу а щIалэ цIыкIум и ва­гъуэр куэдрэ блэну.