Иджыри куэдрэ ди япэ итыну

Урысей Федерацэм, ­Адыгейм гъуазджэхэмкIэ щIыхь зиIэ я лэжьакIуэ, Къэбэрдей-Балъкъэрым и цIыхубэ артист, УФ-м и Композиторхэм я союзым Шостаковичым и цIэр зэрихьэу ит саугъэтым и лауреат, КъБР-м и Къэрал саугъэтыр зыхуагъэфэща, ­УФ-м и композиторхэм я союзым хэт, а IуэхущIапIэм и Къэбэрдей-Балъкъэр къудамэм и унафэщI ХьэIупэ ДжэбрэIил и ныбжьыр илъэс 80 зэрырикъумкIэ дохъуэхъу. 

И зэфIэкI лъагэм нэхъри ефIэкIыжу цIыхугъэрэ Iущагърэ зыхэлъ ди нэхъы­жьыфIым, лъэпкъ хъугъуэ­фIыгъуэхэр хъумэнымрэ налкъутналмэсу иIэхэр къэгъэщIыным зи гъащIэ псор тезухуа ДжэбрэIил хуэдэ зиIэ лъэпкъым и щхьэр лъагэу илъагъужми хъунущ. Дэ дрогушхуэ ар щIыпIэ куэдым къызэрыщацIыхум, адыгэм и цIэмрэ Къэбэрдей-Балъкъэр Республикэм и фIымрэ игъэIуу дунейм зэрытетым. 
Узыншагъэрэ гукъыдэжрэ иIэу иджыри куэдрэ псэуну, и зэфIэкIым щIэблэр бэрэ кIэлъыплъыну, лъэпкъым и пщIэр иIэту иджыри куэдрэ къытхэтыну дыхуохъуахъуэ!