Дунейм щыхъыбархэр

Нобэ

♦Анэдэлъхубзэм и дунейпсо махуэщ. ЮНЕСКО-м I999 гъэм къищта унафэм ипкъ иткIэ ягъэлъапIэ.

♦Экскурсиер езыгъэкIуэкIым и дунейпсо махуэщ

♦США-м и президентхэм я махуэщ

♦1784 гъэм Кърымым щыIэ кхъухь тедзапIэмрэ быдапIэмрэ Севастополь цIэр фIащащ.

♦1819 гъэм Санкт-Петербург къэрал университетыр къызэIуахащ.

♦1848 гъэм Маркс Карлрэ Энгельс Фридрихрэ «Коммунист партым и манифест» я лэжьыгъэр Лондон къыщыдэкIащ.

♦1885 гъэм Нью-Йорк Вашингтон Джордж и фэеплъ щагъэуващ.

♦1920 гъэм Урысейр электрификацэ щIынымкIэ и къэрал комиссэр (ГОЭЛРО) къызэрагъэпэщащ.

♦1728 гъэм къалъхуащ урысей император Пётр Ещанэр.

♦1846 гъэм къалъхуащ Чехием щыщ тхакIуэ, усакIуэ, адыгэхэм я псэукIэм мызэ-мытIэу тетхыхьа Чех Сватоплук.

♦1874 гъэм къалъхуащ Абхъазым и цIыхубэ усакIуэ, узэщIакIуэ, абхъаз литературэм и лъабжьэр зыгъэтIылъа Гулиа Дмитрий.

♦1876 гъэм къалъхуащ РСФСР-м и цIыхубэ сурэтыщI, СССР-м ХудожествэхэмкIэ и академием хэта Кончаловский Пётр.

♦1922 гъэм къалъхуащ шапсыгъ тхакIуэ цIэрыIуэ Лохвицкий Михаил (Аджыкъу-Джэрий).

♦1942 гъэм къалъхуащ актрисэ цIэрыIуэ, УФ-м и цIыхубэ артисткэ, СССР-м и Къэрал саугъэтыр зрата Алентовэ Верэ.

♦1932 гъэм къалъхуащ биологие щIэныгъэхэм я доктор, КъБКъУ-м и профессор, УФ-м, КъБР-м щIэныгъэхэмкIэ щIыхь зиIэ я лэжьакIуэ, Урысей академием и член-корреспондент Тембот Аслъэнбий.

♦1949 гъэм къалъхуащ къэфакIуэ, КъБР-м щIыхь зиIэ и артист Нэгъуд Борис.

♦1952 гъэм къалъхуащ къэрал къулыкъущIэ, УФ-м транспортымкIэ и министру щыта, Урысей Федерацэм и Президентым и дэIэпыкъуэгъу Левитин Игорь.

♦1952 гъэм къалъхуащ урысей дипломат цIэрыIуэу щыта, УФ-м и лIыкIуэу ООН-м щыIа Чуркин Виталий.

♦1957 гъэм къалъхуащ уэрэджыIакIуэ цIэрыIуэ, Урысейм и цIыхубэ артист, УФ-м и Къэрал Думэм и депутату щыта Расторгуев Николай.

Дунейм и щытыкIэнур

«pogoda.yandex.ru» сайтым зэритымкIэ, Налшык уфауэ щыщытынущ. Махуэм хуабэр градуси 8 - 9, жэщым щIыIэр 1 градус щыхъунущ.

Лъэпкъ Iущыгъэ:

Нысэ мыхъунур жьантIажэщи, мафIэ мыхъунур ищхьэм щолыд.