Нобэ

♦ЗэгуэкIуахэм я дунейпсо махуэщ 
♦Тхылъхэр саугъэт щIыным и дунейпсо махуэщ
♦Компьютерхэр зэпкърызылъхьэхэм, ахэр зэтезыухуэхэм я махуэщ
♦1848 гъэм
зэращIылIа мамырыгъэ зэгурыIуэныгъэм ипкъ иткIэ Мексикэм Техас штатыр США-м иратащ.
♦1918 гъэм «ЛэжьакIуэхэмрэ мэкъумэшыщIэхэмрэ я социалистическэ Флот Плъыжьым теухуауэ» унафэр ЦIыхубэ комиссархэм я советым къыдигъэкIащ. СССР-м и Дзэ-Тенджыз Флотыр къыщызэрагъэпэща махуэу ягъэлъапIэу щытащ.
♦1918 гъэм Совет Урысейр григориан махуэгъэпсым техьащ. 
♦1943 гъэм советыдзэхэм Ворошиловград, Дон Iус Ростов къалэхэр фашистхэм къыIэщIагъэкIащ.
♦1945 гъэм США-м и кхъухьлъатэхэм Прагэ къалэм лагъымхэр щрадзыхащ. Iуэхур зэхагъэкIа нэужькIэ наIуэ къызэрыхъуамкIэ, кхъухьлъатэхэр здэкIуэр Дрезден къалэрт, ауэ гъуащэри Прагэ щхьэщыхьауэ арат. Абы щыгъуэ мамыру псэу цIыху 701-рэ хэкIуэдауэ, 1184-рэ уIэгъэ хъуауэ щытащ.
♦1952 гъэм Норвегием и къалащхьэ Осло къыщызэIуахащ VI ЩIымахуэ Олимп Джэгухэр. Ахэр мазаем и 25 пщIондэ екIуэкIащ.
♦1988 гъэм Ленинград ЩIэныгъэхэмкIэ и академием и библиотекэм мафIэсышхуэ дыдэ къыщыхъуащ. Абы хисхауэ щытащ тхылъ мелуаниплI.
♦2005 гъэм иджыпсту цIыху куэд дыдэм къагъэсэбэп хъуа YouTube сервисыр къызэрагъэпэщащ.
♦1837 гъэм къалъхуащ Кавказым и тхыдэдж, адыгэхэм куэдрэ ятетхыхьа генерал-лейтенант Потто Василий.
♦1840 гъэм къалъхуащ франджы сурэтыщI цIэрыIуэ Моне Клод.
♦1928 гъэм къалъхуащ урысей еджагъэшхуэ, физико-математикэ щIэныгъэхэм я доктор, профессор, СССР-м и Къэрал саугъэтым и лауреат Капицэ Сергей.
♦1932 гъэм къалъхуащ экономикэ щIэныгъэхэм я доктор, профессор, 1997 - 2000 гъэхэм Дунейпсо Адыгэ Хасэм и тхьэмадэу щыта Акъбащ Борис.
♦1936 гъэм къалъхуащ уэрэджыIакIуэ цIэрыIуэ, дунейпсо зэпеуэ куэдым я лауреату щыта Герман Аннэ.
♦1949 гъэм къалъхуащ совет актёр, кинорежиссёр, УФ-м и цIыхубэ артист Ерёменкэ Николай.
♦1951 гъэм къалъхуащ КъБР-м промышленностымкIэ щIыхь зиIэ и лэжьакIуэ, политик Атэлыкъ Анатолий.
♦1953 гъэм къалъхуащ УФ-м и Къэрал Думэм и депутат, «Захуагъэ здэщыIэ Урысей» фракцэм и унафэщI Миронов Сергей.
♦1954 гъэм къалъхуащ Техникэ щIэныгъэхэм я доктор, КъБКъУ-м и профессор Батыр Умар.
♦1966 гъэм къалъхуащ «Советская молодежь» газетым жэуап зыхь и секретарь, КъБР-м щIыхь зиIэ и журналист Къардэн Маринэ.

Дунейм и щытыкIэнур
«pogoda.yandex.ru» сайтым зэритымкIэ, Налшык уфауэ щыщытынущ. Махуэм хуабэр градус 2 - 3, жэщым щIыIэр градуси 3 - 2 щыхъунущ.

Лъэпкъ Iущыгъэ:
Акъыл зиIэр акъылыншэми йочэнджэщ.

 

Зыгъэхьэзырар ЖЬЭКIЭМЫХЪУ Маринэщ.
Поделиться:

Читать также:

27.03.2024 - 15:00 НОБЭ
26.03.2024 - 08:01 НОБЭ
25.03.2024 - 12:07 НОБЭ
22.03.2024 - 15:54 Псым и махуэ