Сабийхэм фахуэсакъ

«Коронавирус узыфэ зэрыцIалэ шынагъуэм щеIэзэ госпиталым мазаем и 7-м ирихьэлIэу сабии 137-рэ щIэлъщ, абыхэм ящыщу цIыкIуи 5-м я щытыкIэр хьэлъэщ, зы реанимацэм щIэлъщ», - къет КъБР-м Узыншагъэр хъумэнымкIэ и министерствэм.

Сабийхэм щеIэзэ «ковид» къудамэр къыщызэIуахащ Налшык къалэ клиникэ сымаджэщ №1-м. НыбжьыщIэхэм папщIэ абы щIагъэуващ гъуэлъыпIэ 250-м нэблагъэ, хуей хъумэ, а бжыгъэм иджыри къыхагъэхъуэнущ. Амбулаторэ кIэлъыплъыныгъэм щIэту унэм зыщагъэхъуэж сабий 5300-м, абыхэм я нэхъыбэм «ковид»-р япкърыту къахутащ.

Дохутырхэм республикэм щыпсэухэр фыкъыхураджэ, пыхусыхум и нэщэнэ гуэрхэм гу лъыфтамэ, медицинэм и лэжьакIуэхэм захуэвгъэзэну. Абы папщIэ «122» телефоным е фызэгъэщIылIа поликлиникэм фыпсалъэмэ, чэнджэщ къыватынущ, щытыкIэр нэхъ хьэлъэмэ, унэм дохутыр къевджэ. апхуэдэуи сабийхэм папщIэ къызэIуаха, Республикэ клиникэ сымаджэщым хэту лажьэ, коронавирусыр ппкърытрэ ппкърымытрэ щызэхагъэкI, ар зэуэлIахэр щагъэхъуж амбулаторэ центрым фекIуалIэ хъунущ.

Фи сабийхэр цIыху куэд щызэхыхьэ щIыпIэхэм фымыгъакIуэ, медицинэ нэкIуIупхъуэхэр къагъэсэбэпыну, санитар хабзэхэм тетыну къыхуевджэ.