ДУНЕЙМ ЩЫХЪЫБАРХЭРНобэ ♦Псы-псыпцIэ щIыпIэхэм я дунейпсо махуэщ ♦Урысейм и Дзэ щIыхьым и махуэщ. Нэмыцэ-фашист зэрыпхъуакIуэхэм япэщIэту Сталинград къалэм деж махуэ 200-кIэ советыдзэхэм щрагъэкIуэкIа зауэшхуэр ди текIуэныгъэкIэ иухащ 1943 гъэм мазаем и 2-м. ♦Азербайджаным и щIалэгъуалэм я махуэщ ♦1536 гъэм Испанием щыщ Мендосэ Педрэ Ла-Платэ псым и Iуфэм деж щигъэтIылъащ Аргентинэм и иджырей къалащхьэ Буэнос-Айрес и лъабжьэр. ♦1549 гъэм Урысейм къыщызэрагъэпэщащ ЛIыкIуэхэм я унэ зыфIаща IуэхущIапIэр – иджыпсту ар нэгъуэщI къэрал IуэхухэмкIэ министерствэрщ. ♦1701 гъэм Пётр Езанэм унафэ къыдигъэкIащ топ I8 зэрыбгъэувэ хъун кхъухьышхуих Ладогэ гуэлым щащIыну. Апхуэдэ щIыкIэкIэ къызэгъэпэща хъуащ Балтие флотыр. ♦1911 гъэм Америкэм щыщ щIэныгъэлIхэм хэIущIыIу ящIащ хуэш узым (столбняк) узэрыпэщIэтыфыну мастэ зэрыхалъхьэм теухуа хъыбарыр. ♦1918 гъэм ЦIыхубэ комиссархэм я советым унафэ ищIауэ щытащ «Члисэр къэралми еджапIэхэми къагуэгъэщхьэхукIыным теухуауэ». ♦1920 гъэм Эстониемрэ Совет Урысеймрэ Тарту къалэм мамырыгъэ зэгурыIуэныгъэ щызэращIылIащ. Абы ипкъ иткIэ Эстониер Республикэ щхьэхуиту къалъытащ. ♦1943 гъэм СССР-м и Совет Нэхъыщхьэм и Президиумым унафэ ищIащ «Хэку зауэшхуэм партизану хэтам» медалыр, япэ, етIуанэ нагъыщэхэр зиIэр, къащтэну. ♦1946 гъэм Сахалин Ипщэмрэ Курилы хытIыгухэмрэ СССР-м къыхагъэхьащ. ♦1883 гъэм къалъхуащ совет композитор, егъэджакIуэ, РСФСР-м гъуазджэхэмкIэ щIыхь зиIэ и лэжьакIуэ Гнесин Михаил. ♦1885 гъэм къалъхуащ совет къэрал лэжьакIуэ, дзэзешэ Фрунзе Михаил. ♦1892 гъэм къалъхуащ хамэ къэралыр псэупIэ зыхуэхъуа ди лъэпкъэгъухэм ящыщ, Кавказыр джыным елэжьа, профессор, «Шэрджэсхэр къызытекIар» тхылъыр зи IэдакъэщIэкI Намитокъуэ Айтэч. ♦1898 гъэм къалъхуащ Франджым и ЛIыхъужь Хьэгъундокъуэ Елмэсхъан. ♦1904 гъэм къалъхуащ совет кхъухьлъатэзехуэ цIэрыIуэ, Совет Союзым и ЛIыхъужь Чкалов Валерий. ♦1926 гъэм къалъхуащ Франджым и президенту щыта Валери Жискар д’Эстен. ♦1906 гъэм къалъхуащ усакIуэ, Совет Союзым и ЛIыхъужь Джалиль Муса. ♦1929 гъэм къалъхуащ «Ленин гъуэгу» газетым жэуап зыхь и секретару илъэс куэдкIэ хьэлэлу лэжьа, КъБР-м щэнхабзэмкIэ щIыхь зиIэ и лэжьакIуэ Джаурджий Iэбисал. ♦1935 гъэм къалъхуащ физико-математикэ щIэныгъэхэм я доктор, профессор, Социалист Лэжьыгъэм и ЛIыхъужь, СССР-м, УФ-м я Къэрал саугъэтхэм я лауреат Велихов Евгений. ♦1937 гъэм къалъхуащ композитор, Адыгей къэрал университетым гъуазджэхэмкIэ и институтым и япэ ректору щыта, УФ-мрэ АР-мрэ гъуазджэхэмкIэ щIыхь зиIэ я лэжьакIуэ, Кубаным щIыхь зиIэ и егъэджакIуэ, профессор КIыкI Хьисэ. Дунейм и щытыкIэнур «pogoda.yandex.ru» сайтым зэритымкIэ, Налшык уфауэ щыщытынущ. Хуабэр махуэм градуси 6 - 7, жэщым градуси 2 щыхъунущ. Лъэпкъ Iущыгъэ: ХъуэхъукIэ узэхыхьэу хъуэнкIэ узэхэмыкIыж.
Поделиться:
Читать также:
23.04.2024 - 09:45 →
НОБЭ
22.04.2024 - 15:50 →
НОБЭ
19.04.2024 - 16:23 →
НОБЭ
19.04.2024 - 15:55 →
Ажэгъуэмэ - уэсхэкIыкI - уэсчэсей
18.04.2024 - 16:13 →
НОБЭ
|