Къэбэрдей-Балъкъэрыр бжьыпэр зыIыгъхэм яхэтщЩIыуэпс хъыбархэр «Урысейм и псыр» урысейпсо зэпеуэм и къызэгъэпэщакIуэхэр хэплъэжащ 2021 гъэм ирагъэкIуэкIа лэжьыгъэм икIи наIуэ къэхъуащ япэ увыпIи 10-м хэхуа щIыналъэхэр. Ди гуапэ зэрыхъунщи, ди щIыналъэм иIыгъщ 9-нэ увыпIэр. БлэкIа илъэсым къриубыдэу Къэбэрдей-Балъкъэрым и псы Iуфэхэр гъэкъэбзэным хэтащ цIыху мин I3-м щIигъу. Абыхэм псы Iуфэ километр 430-рэ ягъэкъэбзащ, зэхуахьэсащ кIэрыхубжьэрыху тонн бжыгъэхэр. Iуэху щхьэпэр къыхэзылъхьари езыгъэкIуэкIари УФ-м ЩIыуэпс хъугъуэфIыгъуэхэмрэ экологиемкIэ и министерствэрщ. КъызэгъэпэщакIуэхэм зэрыжаIэмкIэ, мыпхуэдэ лэжьыгъэм цIыхухэр кIэщI-кIэщIурэ къыхэшапхъэщ, щIыуэпсым етх леймрэ ар къызэрыдэфыкIыжымрэ гу лъатэн, дунейр хъумэн зэрыхуейм я бынхэр щIапIыкIын папщIэ.
Поделиться:
Читать также:
23.04.2024 - 19:01 →
ГъуэгуфIхэр нэхъыбэ мэхъу
23.04.2024 - 13:54 →
Зэхуэсышхуэм зыхуагъэхьэзыр
23.04.2024 - 12:52 →
Компьютер щIэпхъаджащIэхэм щахъумэ
23.04.2024 - 10:48 →
Iуащхьэмахуэ куэдым я плъапIэщ
20.04.2024 - 10:52 →
Ветеранхэм гулъытэ хуащI
|