Хьэлимэт дунейпсо зэхьэзэхуэм зыхуегъэхьэзыр

КъБР-м спортымкIэ и министрым и къуэдзэ Анаев Аслъэн IущIащ ушумкIэ Урысей Федерацэм и зэхьэзэхуэм щытекIуа икIи къыщыхэжаныкIа Газаевэ Хьэлимэтрэ абы и гъэсакIуэ Къарэмырзэ Зауррэ.
Фигу къэдгъэкIыжынщи, Майкъуапэ къалэм иджыблагъэ щекIуэкIащ ушумкIэ къэралым и зэхьэзэхуэ. Къарэмырзэ Заур и гъэсэн Газаевэ Хьэлимэт зи ныбжьыр илъэс II хъуахэм я деж ушум и «гуньшу», «таолу» лIэужьыгъуэхэмкIэ дыщэ медалу тIурэ дыжьыну зырэ къыщихьащ. Гуньшур - ар ушум и лIэужьыгъуэхэм я щыщ зыщ – башыр IэкIуэлIакIуэу къэгъэсэбэпыным тегъэщIащ. Таолур – ар щхьэзакъуэ щIыкIэм тет упражненэ зэхэтщ.
Хьэлимэт илъэсищым щIигъуауэ ушум зыхуегъасэ. Къэрал зэхьэзэхуэхэм япэу Майкъуапэ щыхэтауэ аращ. 2022 гъэм гъатхэм и кIэм Дон Iус Ростов щекIуэкIыну дунейпсо зэхьэзэхуэм зыхуегъэхьэзыр.
Анаевыр спортсенкэ ныбжьыщIэмрэ абы и тренерымрэ ехъуэхъуащ къэралпсо утыкум япэу ехъулIэныгъэкIэ къызэрихьамкIэ, адэкIи текIуэныгъэ дахэхэр къигъэлъэгъуэну зэригуапэр къыхигъэщащ.

Жыласэ Замир.
Поделиться: