Дагъыстэным и Iэтащхьэр Къэбэрдей-Балъкъэрым къохъуэхъу

Дагъыстэн Республикэм и Iэтащхьэ Меликов Сергей Инстаграмым щиIэ и напэкIуэцIым Къэбэрдей-Балъкъэрым и къэралыгъуэр илъэсищэ зэрырикъуэмкIэ абы щыпсэухэм къехъуэхъуащ.
«Дагъыстэн лъэпкъхэмрэ сэрэ къыдбгъэдэкIыу Къэбэрдей-Балъкъэрым щыпсэухэм гурэ псэкIэ дынывохъуэхъу фи Къэралыгъуэм и махуэмрэ, ар къызэрыунэхурэ илъэси 100 зэрырикъуамкIэ. – щыжеIэ хъуэхъу тхыгъэм Меликов Сергей. – Къэбэрдей-Балъкъэрыр сыт щыгъуи къыхощ абы и цIыхухэм я гуащIэдэкIымкIэ, хэкупсэу зэрыщытымкIэ, щыпсэу лъэпкъхэм я щэнхабзэ лъагэмкIэ, Хэкум зиужьыным икIи зиIэтыным хуэугъэзауэ зи гуащIэрэ зи къарурэ емыблэжу псэуа, лIэщIыгъуэхэм къыпхыкIа фи адэжьхэм я цIэмкIэ.
Ноби Республикэр, япэ ита нэхъыжьхэм къащIэна хабзэ дахэхэр ягъэбагъуэу, йофIакIуэ, Урысейм хэту зэрызиужьын лъэкIыныгъэ ин бгъэдэлъщ. Лъэпкъ проектхэр щIыналъэм зэщIа щыхъун щхьэкIэ, къэралым лэжьыгъэшхуэ щрегъэкIуэкI, жылагъуэм и псэукIэр зэIузэпэщ щIыным, экономикэм зиужьыным, цIыхухэм я псэукIэр нэхъыфI щIыным хуэунэтIауэ проект гъэщIэгъуэн куэд щызэфIах.
Къэбэрдей-Балъкъэрым щыпсэу, тхыдэм, щэнхабзэм, экономикэ зэхущытыкIэхэм зэришалIэу гъунэгъу зэхуищIа лъэпкъхэр зэгурыIуэу, гъунэгъу хьэкъхэр яхъумэу ипэкIэ зэрыкIуатэр гуапэщ къыхэбгъэщыну. Быдэу си фIэщ мэхъу а зэхущытыкIэфIхэм нэхъри заубгъуу, илъэс къэс ефIакIуэу, жылагъуэм и псэукIэр къиIэту зэрыкIуэнур.
Иджыри зэ си гуапэу махуэ дахэмкIэ сынывохъуэхъу. Къэбэрдей-Балъкъэрри абы щыпсэухэри фефIэкIуэну, фехъулIэну, зывужьыну си гуапэщ».

 

Поделиться: