Псы къабзэр Бахъсэн щIыналъэм и жылагъуэ куэдым ялъэIэсынущУрысейм и Правительствэм Бахъсэн Iуфэм Iус жылагъуэхэр псыкIэ къызэгъэпэщыным трагъэкIуэдэн папщIэ сом мелардитIым щIигъу къиутIыпщынущ. Абы теухуа заяв-кэр махуитI япэкIэ Москва щыпхигъэкIащ КъБР-м и Iэтащхьэ КIуэкIуэ Казбек. Правительствэм щIыналъэ зыужьыныгъэмкIэ и комиссэм и зэIущIэм, УФ-м и Правительствэм и УнафэщIым и къуэдзэ Хуснуллин Марат жэпуэгъуэм и 21-м иригъэкIуэкIам, щыдаIыгъащ километр 77-рэ зи кIыхьагъ бжьамий псы жапIэ Бахъсэн районым щыухуэнымкIэ инфраструктурэ проект иныр икIи абы папщIэ федеральнэ бюджетым и бюджет кредиту сом мелард 2,1-рэ КъБР-м хухэхыныр. Мы проектыр 2022-2023 гъэхэм къриубыдэу ягъэзэщIэн хуейщ икIи абы псори зэхэту сом меларди 2,6-рэ текIуэдэнущ. Республикэм и Iэтащхьэм зэIущIэм къыщыхигъэщхьэхукIащ мы инфраструктурэ проектыр гъэзэщIэным и фIыщIэкIэ зэуэ мыхьэнэшхуэ зиIэ IуэхуитI зэрыдагъэкIынур. Япэр-Бахъсэн къалэм, Зеикъуэ, ХьэтIохъущыкъуей, Ислъэмей, Бахъсэненкэ, ПсыкIэху къуажэхэм дэсхэр зэфэн псы къабзэкIэ зэблэу къыхэмыкIыу къызэгъэпэщынырщ, яубрыуауэ щыта псы къыщIэшыпIэхэр зэрагъэбыдэжым и фIыщIэкIэ псым и уасэр гъэмщIэныр. Псым и лъэныкъуэкIэ зи Iуэхур ефIэкIуэнухэр цIыху мин 98-м ноблагъэ.
Поделиться:
Читать также:
13.04.2024 - 15:23 →
Махуэшхуэм зыхуагъэхьэзыр
13.04.2024 - 13:44 →
ЩытыкIэр я нэIэ щIэтщ
13.04.2024 - 11:18 →
Дзэм ираджэнухэр
13.04.2024 - 10:08 →
Зэгухьэныгъэм зэфIигъэкIар
06.04.2024 - 10:26 →
Театрхэм я ехъулIэныгъэ, я гугъуехь
|