ЗауэлI хахуэхэм я фэеплъуСурэтыщI гъуазджэхэмкIэ музейм, Ткаченкэ Андрей и цIэр зезыхьэм, и пэшым сыщыщIыхьам зыхэсщIар пхужымыIэным хуэдэт. Абы къыщIэIукI лIыхъужьыгъэ макъамэмрэ блынхэм фIэплъагъуэ сурэтхэм къапкърыкI къарумрэ къыбжаIэрт псэкIэ къулей, лIыгъэ зыхэлъ, къэмылэнджэж цIыхухэр диIэху дыкъызыкъуэгушхукIынрэ дыщIэпагэнрэ дызэрыщымыщIэнур… Музейм къыщызэIуахащ Афганистан зауэм (1979 - 1989 гъгъ.) совет сэлэтхэр къызэрырашыжрэ илъэс 30 щрикъум ирихьэлIэу къызэрагъэпэща гъэлъэгъуэныгъэ. Пэшищми щыболъагъу Къэбэрдей-Балъкъэрым щыщу Афганистан республикэм щыIахэм я сурэтхэр, зэуапIэм щытрахахэр, «Псэухэм щхьэкIэ зи гъащIэр зытахэм я фэеплъу» псалъэхэр зытет пхъэбгъум теплъагъуэ щIалэхэр. Щхьэхуэу дапхъэхэм телъщ лIыхъужьхэм я щыгъынхэр, хьэпшып зэмылIэужьыгъуэхэр, нэгъуэщIхэри. ТелевизорышхуэмкIэ къагъэлъагъуэ зауэр здекIуэкIым траха кадрхэр, тхыдэ напэкIуэцIхэм щыщ хъуа афган зауэм теухуа Iуэхугъуэ щхьэхуэхэр, абы и фэеплъу яуса, урысей эстрадэм и артистхэм жаIэ уэрэдхэр. Ахэр псори зы мэхъужри, уи нэпс кърагъакIуэ, щIалэу, я насып къэкIуэгъуэу зауаем зи псэр, зи узыншагъэр хэзылъхьахэм уигу ящIэмыузуи къанэркъым.
Поделиться:
Читать также:
29.03.2024 - 16:44 →
ЩIэупщIэ зиIэщ
29.03.2024 - 15:42 →
Уэрамхэр къагъэщIэрэщIэж
29.03.2024 - 13:37 →
Къалэн нэхъыщхьэхэр яубзыху
29.03.2024 - 11:32 →
Гъатхэм дэIэпыкъуэгъу хуэныкъуэхэр
25.03.2024 - 15:00 →
ЩIалэгъуалэм я унэтIакIуэ
|