КIуэкIуэ Казбек зи чэзу Iуэхухэм ятеухуа упщIэхэм жэуапхэр щритащ республикэм и телеканалым

КIуэкIуэ Казбек зи чэзу Iуэхухэм щы­теп­сэ­лъыхьащ «КъБР 1» телеканалым. Редактор нэхъыщхьэ Конаревэ Наталье республикэм и Iэтащхьэм Iуэхугъуэ тIощIым нэблагъэкIэ еупщIащ. Псалъэмакъым къыхэщащ экономикэм зэрызиужьыр, абы и лъэныкъуэкIэ пандемием къихьа зэраныгъэхэр, уз зэрыцIалэм пэщIэтынымкIэ иджыпсту ди щIыналъэм щызэфIагъэкIхэр, бизнесым и Iуэху зыIутыр, инвестицэ проектхэр гъэзэщIэным хиубыдэу инфраструктурэм игъуэт зэхъуэкIыныгъэхэр.

КIуэкIуэ Казбек гурыIуэгъуэу тепсэлъыхьащ ­гъуэгухэр ухуэнымрэ туризмэм и IэнатIэм зегъэу­жьынымрэ гулъытэ хэха щIыхуищIым и щхьэусы­гъуэхэм, апхуэдэу республикэм и жылагъуэхэм я ­теплъэм зэрызихъуэжын хуейуэ къилъытэхэм. Абы зэпкърихащ инфраструктурэ ухуэныгъэр социальнэ проектхэм щыхабжэр, ди промышленностым зегъэужьынымкIэ иджыпсту щыIэ хэкIыпIэхэр. Мэкъу­мэш хозяйствэм, социальнэ IэнатIэм, щэнхабзэм, спортым, узыншагъэр хъумэным, егъэджэныгъэм я IэнатIэхэм иджыпсту щекIуэкI лэжьыгъэхэми интервьюм увыпIэшхуэ щаубыдащ.
Республикэм и Iэтащхьэм апхуэдэу жэуапхэр иритащ федеральнэ IэнатIэм езым и лэжьыгъэр ­къы­зэрыщызэригъэпэщым, Къэбэрдей-Балкъэрыр илъэ­си 100 зэрырикъум зэрызыхуагъэхьэзырым ­ятеухуа упщIэхэми.
 

КъБР-м и Iэтащхьэмрэ Правительствэмрэ я пресс-IуэхущIапIэ.
Поделиться: