IэнатIэр ирагъэфIакIуэ

14 июля, 2021 - 15:00

Узыншагъэр хъумэнымкIэ

Къэбэрдей-Балъкъэр Республикэм щокIуэкI узыншагъэр хъумэнымкIэ IэнатIэм и IуэхущIапIэхэр егъэфIэкIуэнымрэ ахэр зыхуей IэмэпсымэхэмкIэ къызэгъэпэщынымрэ хуэунэтIа лэжьыгъэшхуэ.

Абы ипкъ иткIэ, республикэм федеральнэ бюджетым къыхэкIыу къыIэрыхьэнущ сом мелуан 45,6-рэ. А мылъкур трагъэкIуэдэнущ медицинэ лабораторэхэр узыфэ зэрыцIалэ лIэужьыгъуэщIэхэр щыуагъэншэу къозыгъэхутэф иджы­рей IэмэпсымэхэмкIэ къызэгъэпэщыным.
КъищынэмыщIауэ, узыншагъэр хъумэнымкIэ IэнатIэр къэгъэщIэрэщIэжыным хухахынущ сом мелард 1,2-м щIигъу. А Iуэхум къызэщIиубыдэнущ объект 50. Абыхэм ящыщу 13-р ухуэныгъэщIэщ, 37-м зэгъэпэщыжыныгъэ лэжьыгъэхэр щекIуэкIынущ.
Апхуэдэуи, республикэ унафэщIхэм къыхагъэщащ Налшык къалэ поликлиникэщIэ щыухуэныр нобэрей зэманым къахуигъэув къалэну зэрыщытыр икIи мыгувэу а Iуэхури кърахьэжьэну я мурадщ.

 

ЩхьэщэмыщI Изэ.
  • 10 просмотров
Поделиться: