Дунейм щыхъыбархэр

Нобэ

♦МыпIэщIэным и дунейпсо махуэщ
♦1712 гъэм
Пётр Езанэм и унафэкIэ Тулэ къыщызэIуахащ Iэщэ къыщыщIагъэкI завод. Ар Урысейм щыяпэ апхуэдэ IуэхущIапIэт. Абы зиужьурэ Тулэ къалэр къэралым Iэщэ къыщыщIагъэкI и къалэ нэхъыщхьэ хъуащ.
♦1714 гъэм пщы лIакъуэм щыщхэм къызэрыгуэкI сэлэту дзэм къулыкъу щамыщIамэ, офицер цIэр яфIэмыщыным теухуа унафэ къыдигъэкIащ Пётр Езанэм.
♦1918 гъэм Совет правительствэр Петроград икIри Москва Iэпхъуащ.
♦1935 гъэм Шотландием щыщ физик Уотсон-Уатт Роберт радар IэмэпсымэщIэм и зэфIэкIыр здынэсыр къипщытащ. ЩIылъэми уэгуми абы «къыщиубыдыфырт» куэдкIэ пэжыжьэхэр.
♦1936 гъэм Германием щызэпкъралъхьащ «Фольксваген» автомобиль лIэужьыгъуэщIэр. Куэдым ягу зэрырихьам, и уасэкIи зэрыезэгъырабгъум щхьэкIэ абы «цIыхубэ автомобилкIэ» щоджэ а къэралым.
♦1990 гъэм СССР-м и Совет Нэхъыщхьэм и Президиумым и унафэкIэ СССР-м и президент къулыкъур ягъэуващ.
♦1990 гъэм советыдзэхэр Чехословакием кърашыжу щIадзащ.
♦1993 гъэм «Урысейм и Аграрнэ парт» къызэгъэпэщыным теухуа съезд зэхэтащ.
♦1802 гъэм къалъхуащ франджы тхакIуэ цIэрыIуэ Гюго Виктор.
♦1869 гъэм къалъхуащ совет парт лэжьакIуэ, Ленин (Ульянов) Владимир и щхьэгъусэу щыта Крупская Надеждэ.
♦1902 гъэм къалъхуащ совет футболист цIэрыIуэу щыта, Москва и «Спартак» клубыр къызэзыгъэпэща Старостин Николай.
♦1928 гъэм къалъхуащ 2001 - 2006 гъэхэм Израилым и премьер-министру щыта Шарон Ариэль (и унэцIэ дыдэр Шейнерманщ).
♦1940 гъэм къалъхуащ тхакIуэ Щауэ Къалидар.
♦1941 гъэм къалъхуащ актёр, РСФСР-м и цIыхубэ артист Жариков Евгений.
♦1953 гъэм къалъхуащ адыгэ сурэтыщI, цIыхубэ IэпщIэлъапщIэ, IуэрыIуатэдж, РАХ-м и дипломант, Адыгэ Республикэм щIыхь зиIэ и художник ГъукIэ Замудин.
♦1965 гъэм къалъхуащ КъБР-м и Парламентым и депутат, Афганистаным щызэуахэм я республикэ зэгухьэныгъэм и унафэщI, къэрал дамыгъэ лъапIэ зыбжанэ зыхуагъэфэща Тхьэгъэлэдж Тимур.
Дунейм и щытыкIэнур
«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градуси 5 - 7, жэщым 1 градус щыхъунущ.

Лъэпкъ Iущыгъэ:

Анэдэлъху дзыр хъужыркъым.

 

Зыгъэхьэзырар ЖЬЭКIЭМЫХЪУ Маринэщ.
Поделиться:

Читать также:

27.03.2024 - 15:00 НОБЭ
26.03.2024 - 08:01 НОБЭ
25.03.2024 - 12:07 НОБЭ
22.03.2024 - 15:54 Псым и махуэ