Нобэ

♦Нацизмэм ихьахэм я фэеплъым и дунейпсо махуэщ
♦Урысейм и Дзэ щIыхьым и махуэщ - Ленинград къалэр блокадэм кърагъэкIащ. Нэмыцэ фашист зэрыпхъуа­кIуэхэм я къэухъуреихьыныгъэм жэщ-махуэ 872-кIэ ита къалэр 1944 гъэм советыдзэхэм хуит къащIыжащ.
♦1725 гъэм Пётр Езанэр дунейм ехыжащ.
♦1820 гъэм капитан Беллинсгаузен Фаддей зи унафэщI къэхутакIуэ гупым Антарктидэр зэрыщыIэр къахутащ. Махуэ 750-кIэ тенджызым тета кхъухьхэм материкыр ихъуреягъкIэ къызэхакIухьат, хытIыгу 28-рэ къызэIуахат, ауэ мылылъэ Антарктидэм я лъэ теувэфакъым.
♦1859 гъэм Оттавэ Канадэм и къалащхьэу къалъытащ.
♦1904 гъэм Урыс-Япон зауэм щIидзащ.
♦1924 гъэм Москва Лениным и Мавзолейр къыщызэIуахащ.
♦1941 гъэм «КъБР-м щIыхь зиIэ и дохутыр» цIэ лъапIэр ягъэуващ.
♦1943 гъэм Москварэ Ленинградрэ я зэхуаку дэлъ гъущI гъуэгу зэпыщIэныгъэр зэфIагъэувэжащ.
♦1945 гъэм советыдзэхэм хуит къащIыжащ нэмыцэхэм Польшэм щащIа Освенцим гъэрэщым исахэр.
♦1967 гъэм хьэршыр дуней псом къэралу тетхэм зэрейм теухуа дэфтэрым Iэ традзащ.
♦1968 гъэм Налшык Музыкэ  Къэрал театр къыщызэIуахащ.
♦1756 гъэм къалъхуащ Австрием щыщ композитор, музыкант щэджащэ Моцарт Вольфганг.
♦1826 гъэм къалъхуащ урыс тхакIуэ цIэрыIуэ Салтыков-Щедрин Михаил.
♦1832 гъэм къалъхуащ инджылыз математик, тхакIуэ, и таурыхъхэмкIэ цIэрыIуэ хъуа Кэрролл Льюис.
♦1891 гъэм къалъхуащ совет тхакIуэ, усакIуэ, зэдзэкIакIуэ, жылагъуэ лэжьакIуэ Эренбург Илья.
♦1932 гъэм къалъхуащ уса­кIуэ, уэрэд дахэ куэдым я псалъэхэр зытха Казаковэ Риммэ.
♦1940 гъэм къалъхуащ къэ­рал, жылагъуэ лэжьакIуэ, Социалист Лэжьыгъэм и ЛIы­хъужь Хьэгъэжей Джонсон.
♦1947 гъэм къалъхуащ композитор, КъБР-м гъуазджэхэмкIэ щIыхь зиIэ и лэжьакIуэ Жырыкъ Заур.
♦1951 гъэм къалъхуащ къэрал къулыкъущIэу щыта, КъБР-м щIыхь зиIэ и юрист Чэт Юрий.
♦1952 гъэм къалъхуащ КъБР-м гъуазджэхэмкIэ щIыхь зиIэ и лэжьакIуэ Бэрэгъун Руслан.
♦1974 гъэм къалъхуащ Норвегием щыщ биатлонист цIэ­рыIуэ, блэнейрэ олимп чем­пион хъуа Бьёрндален Уле Эйнар.
♦1980 гъэм къалъхуащ урысей теннисист, УФ-м спортымкIэ щIыхь зиIэ и мастер Сафин Марат.
Дунейм и щытыкIэнур
«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Махуэм хуабэр градуси 3 - 6, жэщым щIыIэр 1 градус щыхъунущ.

Лъэпкъ Iущыгъэ:

Мывэ сыныр мэкIуэдыж, мыкIуэдыжыр уэрэдщ.

Композитор Моцарт Вольфганг.                      
(1756гъэ)                                                                          

  ТхакIуэ Салтыков-Щедрин Михаил.
(1826 гъэ)                                                                         

ТхакIуэ Эренбург Илья.
(1891 гъэ)

Юрист Чэт Юрий.
(1951гъэ)