«Си анэр псом нэхърэ нэхъыфIщ, абы гъуэгу хабзэхэр къызэпиудыркъыми»

Апхуэдэ фIэщыгъэ зиIэ акцэ иджыблагъэ щекIуэкIащ Налшык къалэм дэт «ПсыIэрышэ цIыкIу» сабий сад №72-м.

Iуэхур къызэрагъэпэщащ Урысейм и МВД-м и Управленэм Налшык къалэ округым щиIэ къудамэм и ОГИБДД-м и лэжьакIуэхэм, сабий IуэхущIапIэм и гъэсакIуэхэр я дэIэпыкъуэгъуу. «Къаблэ» Iуэхум и купщIэр цIыхум и щыгъыным жэщым нэху тридза нэужь лыд хъунырщ, рулым дэсым абы нэхъ тыншу гу лъитэн хуэдэу.
Инспекторхэмрэ гъэсакIуэхэмрэ сабийхэм ядэIэпыкъуурэ ирагъэщIащ апхуэдэ «нэхудз» цIыкIухэр икIи я анэхэм яшэжыну къэкIуа нэужь ахэр тыгъэ хуащIащ, жэщым лъэсу къыщакIухькIэ къэнэхун хуэдэу я щыгъынхэм хаIуащ.
Автоинспекторхэм сабийхэмрэ балигъхэмрэ апхуэдэ щIыкIэкIэ къыхураджэ гъуэгум щысакъыну.

 

КъБР-м щыIэ МВД-м и пресс-IуэхущIапIэ.
Поделиться: