МЫ МАХУЭХЭМ

Жэпуэгъуэм и 7,
бэрэжьей

Армением щагъэлъапIэ библиотекэм и лэжьакIуэм и махуэр
1604 гъэм Сыбырым щаухащ иужькIэ Томск къалэ хъуа быдапIэм и ухуэныгъэр.
1806 гъэм Инджылызым дунейм щыяпэу къыщагъэсэбэпащ зэрыщIатхыкI тхылъымпIэр.
1918 гъэм Даутокъуэ-Серебряковым и дзэм Налшык къищтащ.
1920 гъэм Кембридж университетым (Инджылыз) япэу цIыхубзхэр щIагъэтIысхьэ хъуащ.
1949 гъэм Германие Демократие Республикэр къызэрагъэпэщащ. Ар Республикэм и махуэу ягъэлъапIэу щытащ 1989 гъэ пщIондэ.
1959 гъэм «Луна-3» совет станцым Мазэм дымылъагъу и адрей лъэныкъуэм сурэт трихащ.
1977 гъэм СССР-м и Совет Нэхъыщхьэм къищтащ къэралым и иужьрей Конституцэр. Абы цIыхубэр «Брежневым ей» жаIэу еджэу щытащ.
1917 гъэм къалъхуащ УФ-м и цIыхубэ артист, КъБР-м и Къэрал саугъэтым и лауреат ТIыхъужь Алий.
1952 гъэм къалъхуащ Урысей Федерацэм и Президент Путин Владимир.
1952 гъэм къалъхуащ Совет гимнасткэ цIэрыIуэ, Олимп Джэгухэм плIэнейрэ я чемпионкэ Турищевэ Людмилэ.
1953 гъэм къалъхуащ къэрал лэжьакIуэ, дипломат, УФ-м щIыхь зиIэ и ухуакIуэ Жамборэ Владимир.
1983 гъэм къалъхуащ урысей фигурист, Олимп Джэгухэм тIэунейрэ я чемпион хъуа Траньков Максим.
 
Дунейм и щытыкIэнур
«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 18 - 19, жэщым градуси 4 - 7 щыхъунущ.

Жэпуэгъуэм и 8,
махуэку

Нэхэм я дунейпсо махуэщ
Астрономием и дунейпсо махуэщ
УФ-м щагъэлъапIэ кхъухьхэм - псым тетхэми, псы щIагъым щIэтхэми, уэгум итхэми - я командирхэм я махуэр
Хорватием и щхьэхуитыныгъэм и махуэщ
1191 гъэм пащтыхьыкъуэ Джон Инджылызым и къэрал унафэр зыIэщIиубыдащ.
1860 гъэм Бахъсэн цIыхубэ судыр къызэрагъэпэщауэ щытащ.
1961 гъэм Москва и Кремлым съездхэм я къэрал уардэунэр къыщызэIуахащ икIи япэ концертыр щатащ. Ар зыхуэгъэзар унэр зыщIа ухуакIуэхэрт.
1945 гъэм США-м щыщ Спенсер Перси микроволновэ хьэку къызэригупсысам щыхьэт техъуэ тхылъ иратащ.
1970 гъэм Солженицын Александр Нобель саугъэтыр къыхуагъэфэщащ.
1991 гъэм Хорватиемрэ Словениемрэ Югославием къыхэкIащ, езыхэм республикэ щхьэхуэхэр яIэ хъуахэщ.
2007 гъэм Елец «Дзэ щIыхьым и къалэ» цIэр фIащащ.
1871 гъэм къалъхуащ урысей бэнакIуэ цIэрыIуэ, циркым и артист, Урысейм щIыхь зиIэ и артист Поддубный Иван.
1892 гъэм къалъхуащ урыс усакIуэ цIэрыIуэ, зэдзэкIакIуэ Цветаевэ Маринэ.
1907 гъэм къалъхуащ совет кхъухьлъатэзехуэ, Совет Союзым и ЛIыхъужь Осипенкэ Маринэ.
1911 гъэм къалъхуащ совет актёр, уэрэджыIакIуэ Бернес Марк.
1928 гъэм къалъхуащ филологие щIэныгъэхэм я доктор, АКъУ-м и профессор, ЩIДАА-м и академик, АР-ми УФ-ми щIэныгъэхэмкIэ щIыхь зиIэ я лэжьакIуэ ЗекIуэхъу Увжыкъуэ.
1931 гъэм къалъхуащ совет тхакIуэ цIэрыIуэ, зи IэдакъэщэкIхэмкIэ фильм гъэщIэгъуэнхэр (псалъэм папщIэ, «Семнадцать мгновений весны», «ТАСС уполномочен заявить») траха Семёнов Юлиан.
1935 гъэм къалъхуащ мэкъумэш щIэныгъэхэм я доктор, профессор Умар Анатолэ.
♦1936 гъэм къалъхуащ театрымрэ киномрэ я актёр цIэрыIуэ, РСФСР-м и цIыхубэ артист Куравлёв Леонид.
1939 гъэм къалъхуащ мэкъумэш щIэныгъэхэм я доктор, Къэбэрдей-Балъкъэр къэрал мэкъумэш университетым и профессор Къагъырмэс Црай.
1946 гъэм къалъхуащ совет фигурист, 1976 гъэм Инсбрук (Австрие) щекIуэкIа Олимп Джэгухэм дыщэ медаль къыщызыхьа, дунеймрэ Европэмрэ я чемпионатхэм мызэ-мытIэу щытекIуа, СССР-м спортымкIэ щIыхь зиIэ и мастер Горшков Алек­сандр.
Дунейм и щытыкIэнур
«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 18 - 20, жэщым градуси 7 - 8 щыхъунущ.

Жэпуэгъуэм и 9,
мэрем

Пощтым и дунейпсо махуэщ. 1874 гъэм жэпуэгъуэм и 9-м Дунейпсо пощт зэгухьэныгъэр къызэрагъэпэщащ.
ДжэдыкIэм и дунейпсо махуэщ
Урысейм и МЧС-м къегъэщIылIауэ къызэрагъэпэщащ мафIэсым зыщыхъумэным елэжь IэнатIэ щхьэхуэ
1943 гъэм Тамань хытIыгуныкъуэр нэмыцэ-фашист зэрыпхъуакIуэхэм къыIэщIагъэкIыжащ.
1975 гъэм Сахаров Андрей Нобель саугъэтыр къыхуагъэфэщащ.
1989 гъэм СССР-м къыщащтащ лэжьакIуэ гупхэм я улахуэкIэ е нэгъуэщI щIэмыарэзы гуэрхэр къагъэлъагъуэу я IэнатIэхэм пIалъэкIэ къыпэрыкIыну зэрыхуитым теухуа унафэ.
2002 гъэм щIадзащ 10-нэ Урысейпсо къыхэтхыкIыныгъэм.
2004 гъэм Афганистаным а къэралым щыяпэу президент хэхыныгъэхэр щекIуэкIащ. А къулыкъур хуагъэфэщауэ щытащ Карзай Хьэмид.
2009 гъэм США-м и президент Обамэ Барак Нобель и саугъэтыр хуагъэфэщащ.
1909 гъэм къалъхуащ убых тхакIуэ, журналист Щхьэплъы Зубейдэ.
1926 гъэм къалъхуащ театрымрэ киномрэ я актёр цIэрыIуэ, СССР-м и цIыхубэ артист Евстигнеев Евгений.
1940 гъэм къалъхуащ Инджылызым щыщ рок-музыкант, уэрэджыIакIуэ, усакIуэ, композитор цIэрыIуэ, «The Beatles» гупым и къызэгъэпэщакIуэ Леннон Джон.
1955 гъэм къалъхуащ ухуакIуэ, хьэрычэтыщIэ, «ААА» фирмэм и унафэщI Къуршэ Валерэ.
1959 гъэм къалъхуащ Урысей къэрал къулыкъущIэу, политикыу, жылагъуэ лэжьакIуэ цIэрыIуэу щыта Немцов Борис.
1966 гъэм къалъхуащ Инджылызым и премьер-министру щыта Кэмерон Дэвид.
1966 гъэм къалъхуащ актрисэ, КъБР-м и Къэрал саугъэтым и лауреат, Къэбэрдей-Балъкъэрым щIыхь зиIэ и журналист Мысостышхуэ Маринэ.
1977 гъэм къалъхуащ урысей актёр Бероев Егор.

Дунейм и щытыкIэнур
«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 20 - 21-рэ, жэщым градуси 8 - 9 щыхъунущ.

Лъэпкъ Iущыгъэ:

Дзей хуэщIэ фIыщIэ пылъкъым.

 

 

Зыгъэхьэзырар ЖЬЭКIЭМЫХЪУ Маринэщ.
Поделиться:

Читать также:

29.03.2024 - 12:46 НОБЭ
27.03.2024 - 15:00 НОБЭ
26.03.2024 - 08:01 НОБЭ
25.03.2024 - 12:07 НОБЭ