Япэ ирагъэщ унэтIыныгъэ

23 сентября, 2020 - 05:20

Урысейм и «Мэкъумэшбанк» акционер обществэм и Къэбэрдей-Балъкъэр къудамэм игъэбелджылащ потребительскэ кредитыр ди республикэм нэхъ къыщащтэ щIыпIэхэр.

2020 гъэм фокIадэм и 1-м ирихьэлIэу «Мэкъумэшбанкым» и потребительскэ кредитхэр зыIэрагъэхьащ Къэбэрдей-Балъкъэрым и цIыху 891-м. Псори зэхэту абыхэм щIыхуэу сом мелуан 290-м нэблагъэ къащтащ.
 Урысейм и «Мэкъумэшбанк» АО-м и Къэбэрдей-Балъкъэр къудамэм ит ахъшэхэм и ныкъуэм нэблагъэр потребительскэ кредитым хуозэ. Мы гъэм абы процент 48-рэ хэхъуащ. Ар нэхъ зыфIэкъэбылхэм икIи щIэупщIэ щызиIэхэм щыпашэщ Прохладнэ, Дзэлыкъуэкъуажэ, Тэрч, Шэджэм, Налшык дэт офисхэр. А банк IуэхущIапIэхэм щатащ ди республикэм и потребительскэ кредитхэм я процент 65-р.
«Потребительскэ кредитхэр Урысейм и «Мэкъумэшбанкым» япэ иригъэщ унэтIыныгъэхэм ящыщщ. Абы къыхэкIыу цIыху щхьэхуэхэм щIыхуэ зэрырат программэ куэд диIэщ. Ахэр зэхэтлъхьащ щхьэж и зэфIэкIымрэ нобэрей зэхэтыкIэм къигъэув Iуэхугъуэхэмрэ ятещIыхьауэ», - къыхигъэщащ «Мэкъумэшбанк» АО-м и Къэбэрдей-Балъкъэр къудамэм розничнэ сату щIынымкIэ и отделым и унафэщI Уянаев Артур.

 

Жыласэ Замир.
  • 11 просмотров
Поделиться: