Зи гуащIэр ин
И ныбжьыр илъэс 90 ирокъу адыгэ тхакIуэ, усакIуэ щэджащэ, жылагъуэ лэжьакIуэ цIэрыIуэ МэшбащIэ Исхьэкъ.
Исхьэкъ и къалэмыпэм къыщIэкIащ тхыгъэ купщIафIэ куэд - усыгъэ телъыджэхэр, роман гъуэзэджэхэр, ахэр Адыгейм и литературэм и лъагапIэ хъуащ, ди лъэпкъым и цIэмрэ и пщIэмрэ жыжьэ щагъэIуащ. Исхьэкъ и усыгъэхэр гъэнщIащ гъащIэм и пэжыпIэкIэ, уи акъылыр зыгъэлажьэ, гукъыдэжрэ дэрэжэгъуэрэ къозыт гупсысэ жанхэмкIэ. ТхакIуэм и романхэм лъабжьэ яхуэхъуар адыгэ тхыдэрщ - пасэрей адыгэ дзэпщ Ридадэ деж къыщыщIэ-дзауэ XIX лIэщIыгъуэм къэс.
МэшбащIэ Исхьэкъ Шумахуэ и къуэр Краснодар щIыналъэм хыхьэ Щхьэщэхуж къуажэм 1930 гъэм накъыгъэ мазэм и 28-м къыщалъхуащ. 1951 гъэм Адыгей педучилищэр, 1956 гъэм Москва дэт Литературэ институтыр къиухащ, КПСС-м и ЦК-м деж щыIэ Парт школ нэхъыщхьэм щеджащ, «Социалистическэ Адыгей» газетым щылэжьащ. 1962 гъэ лъандэрэ МэшбащIэ Исхьэкъ Адыгейм и ТхакIуэхэм я зэгухьэныгъэм и тхьэмадэщ, ди къуэш республикэм къыщыдэкI литературэ журналхэм я редактор нэхъыщхьэщ; депутатхэм я Адыгей, Краснодар советхэм, СССР-м и Совет Нэхъыщхьэм хэтащ, Урысей Федерацэм и Жылагъуэ палатэм хэтщ.
МэшбащIэ Исхьэкъ и тхыгъэхэр щызэхуэхьэсауэ дунейм къытехьащ тхылъищэм щIигъу, абыхэм ящыщ куэд нэгъуэщI лъэпкъхэм я бзэхэмкIэ зэрадзэкIащ. ЦIэрыIуэ дыдэ хъуащ Исхьэкъ и романхэр - «Щэрэ езанэ щхьэдэхыпIэ», «Ягъеяхэм пэплъэжыркъым», «Щхьэл мывэ», «ГъэритI», «Ридадэ», «Адыгэхэр», «Хъан-Джэрий», «КъуэкIыпIэмрэ КъухьэпIэмрэ», «ТIасхъэщIэх», нэгъуэщIхэри.
ТхакIуэ цIэрыIуэм къратащ СССР-м, РСФСР-м, Адыгейм я Къэрал саугъэтхэр, Шолохов Михаил и цIэкIэ щыIэ, Дунейпсо Адыгэ Хасэм я саугъэтхэр.
МэшбащIэ Исхьэкъ Адыгейми, Къэбэрдей-Балъкъэрми, Къэрэшей-Шэрджэсми я цIыхубэ тхакIуэщ, Урысейм ЛэжьыгъэмкIэ и ЛIыхъужьщ, «Хэкум и пащхьэм щиIэ фIыщIэм папщIэ» орденым и II, III, IV нагъыщэхэр къратащ. МэшбащIэ Исхьэкъ Урысейм и ТхакIуэхэм я зэгухьэныгъэм и правленэм и Iэтащхьэхэм ящыщщ, ЩIДАА-м, Абхъазым ЩIэныгъэхэмкIэ и академием хэтщ.
КЪЭРМОКЪУЭ Хьэмид.
Исхаку Машбашу
Как рад я новой встрече нашей,
Мне дух ее необходим.
Давай опять, собрат мой старший,
За разговором посидим.
Я, может, спрашиваю много?
Ты отвечай, не обессудь.
Хочу, чтоб вновь твоя дорога
Вместила мой недлинный путь.
Пусть полночь бьет...
В ночи наставшей
Мы бесконечно говорим
Все о земле адыгской нашей,
Чей путь непрост, неповторим.
И ты истории страницы
Мне, как свои стихи, прочтешь.
И все минувшие зарницы
В луче сегодняшнем зажжешь.
Твоим глазам горячим внемлю,
Пью родниковый твой рассказ:
Ты помогаешь видеть землю
Со склонов гор, со звездных трасс.
Ты нужен, старший мой товарищ,
Хотя бы лишь для одного:
Ты мое сердце прошлым ранишь,
Врачуя будущим его.
Анатолий БИЦУЕВ,
народный поэт КБР
Поздравительные телеграммы
Дорогой Исхак Шумафович!
В день Вашего 90-летнего юбилея горячо приветствуем Вас, одного из ярчайших представителей современной литературы Северного Кавказа, поистине народного писателя, гражданина-борца, крупного общественного деятеля, радетеля в деле сплочения и дружбы народов нашего Отечества.
В Вашем многогранном самобытном творчестве читателю открывается не только вдумчивый взгляд глубоко мыслящего человека на жизнь, на историю, на современность, в нем он, читатель, воочию ощущает теплые чувства, объединяющие людей, позволяющие им преодолевать многое, порой немыслимо трудное, ради достижения высокой цели.
Ваше творчество - яркий пример самоотверженного служения родному народу, дарующему силу, мужество, духовную широту, трепетное сердце, многонациональному Отечеству, прекрасной адыгейской земле, вскормившей своего талантливого сына, напитавшей его своими соками, своею мощью. Рады, что присущая Вам творческая интенсивность по-прежнему бьет через край, обретает новые формы, остается глубоко созидательной.
От всей души желаем Вам, большому художнику, доброго здоровья, новых творческих свершений, успехов в Ваших многотрудных общественных заботах, радости новых встреч.
Дружески обнимаем Вас.
От имени правления Союза писателей России
Валерий ГАНИЧЕВ.
* * *
Дорогой Исхак Шумафович!
Исполком международного общества писательских Союзов сердечно поздравляет Вас - выдающегося адыгейского писателя, активного общественного деятеля, председателя правления Союза писателей Адыгеи, заместителя председателя исполкома МСПС, кавалера трех орденов «За заслуги перед Отечеством» II, III, IV степеней, Героя Труда РФ с прекрасным юбилеем - 90-летием со дня рождения.
Ваша творческая энергия и талант поистине многогранны и снискали Вам глубокое уважение, признание писателей, друзей, читателей как в Адыгее, так и в России.
В этот замечательный день примите, дорогой Исхак Шумафович, наши пожелания доброго здоровья, долголетия, неиссякаемой творческой энергии.
С глубоким почтением
Иван Переверзин, Владимир Гусев, Егор Исаев, Николай Добронравов, Владимир Фирсов, Лариса Васильева, Николай Чергинец, Олжас Сулейменов, Нурлан Оразалин, Искра Денисова, Владимир Спектор, Людмила Салтыкова, Евгений Задорожный, Маквала Гонашвили, Танзиля Зумакулова, Мехмон Бахти, Владимир Терехов.
Кавказым ису хъуам
йокIу адыгэ цейр…
Литературэм щекIуэкI хабзэхэм ящыщщ зи творчествэр усэкIэ къыщIэзыдза тхакIуэр прозэм хуэкIуэжыныр. Iуэхур апхуэдэу зэрыхъум щыгъуазэ дищIауэ щытащ урыс усакIуэшхуэ, иужькIэ зи художественнэ прозэмкIи Урысейм цIэрыIуэ щыхъуа, дунейпсо литературэм уахътыншэу къыхэна Пушкин Александр.
А «епцIыжыныгъэр» зэлъытар усакIуэр здынэса ныбжьым и закъуэу къыщIэкIынкъым - ар пыщIагъэнщ цIыхум и гупсысэкIэм, и Iуэху еплъыкIэм зэрызахъуэжми, ахэр къэIуэтэным нэхъ къезэгъ жанрым и къыхэхыкIэми. Пэжщ, и япэ лъагъуныгъэм «епцIыжу» прозэм хьэщыкъ ищIа усакIуэр прозэм «щыхыхьэжам» дежи абы усыгъэм и дамыгъэ къытонэ, псом хуэмыдэу а нэщэнэр хыболъагъуэ тхыгъэр зэрыгъэпса бзэм. Языныкъуэ рассказхэм, повестхэм, романхэм укъыщеджэкIэ, ахэр зи IэдакъэщIэкIхэр умыцIыхуми, абыхэм ятелъ дамыгъэмкIэ къэпщIэнущ укъызэджэр зытха прозаикыр зэгуэр усакIуэу зэрыщытар.
МЫ ЖЫТIАР епхьэлIэ хъунущ усакIуэу къыщIэзыдзэу романист цIэрыIуэ хъуа МэшбащIэ Исхьэкъи. Мыри щIыгъужыпхъэу къытщохъу: МэшбащIэр усакIуэ «къабзэу» щыщытами, абы и усыгъэхэм прозэм ижь къащIихурт. Псом хуэмыдэу а нэщэнэр яхэплъагъуэрт адыгэхэм я тхыдэм, я гъуэгуанэ хьэлъэр къыщызэпачым абыхэм я фэм дэкIа хьэзабхэм ятеухуауэ Исхьэкъ ди пащхьэм кърилъхьэ усыгъэхэм. Адыгэхэр зэрылъэпкъыжьыр, абыхэм я къуэпсыр жыжьэ къызэрыщежьар, ар куууэ икIи быдэу щIым зэрыхэкIар къыщыIуэтат МэшбащIэм и усыгъэ телъыджэхэми. Щыблэ дапщэ къеуами, мафIэ гуащIэ дапщэм ялыпщIами, а къуэпс быдэм къытекIыкIа икIи тет жыгыр - лъэпкъхэр - пхуэгъэкIуэдынукъым - апхуэдэ гупсысэ узыншэхэмкIэ гъэнщIат Исхьэкъ и усыгъэ дэгъуэхэр.
Сыт хуэдиз уи нэпсеягъми, и Iуфэм уIугъуалъхьэу къуршыпсыр, тенджызыр пхуифын? Апхуэдэщ адыгэ лъэпкъыр зэрыпхуэмыгъэкIуэдынури. А гупсысэр зыщIэлъ усыгъэ куэд иIэщ Исхьэкъ. Тенджызымрэ псыхэмрэ, мэзхэр къэзыгъэщI жыгхэм я образ уахътыншэхэр Iэджэрэ къигъэсэбэпырт усакIуэ МэшбащIэм. Абы и лирическэ лIыхъужьым езым ипс, и тенджыз мыкIуэщIыж, зи къуэпсыр быдэу щIым хэкIа жыг иIэжщ. Мис а псоми яхэпщIащ, псэ яхуэхъуащ усакIуэ, прозаик МэшбащIэ Исхьэкъ и зэчий купщIафIэр. Къуршыпсхэр зыхэлъадэурэ ямыгъэгъущIэж, зи бжьэпэхэр гъунапкъэншэу яукъуэдий, зэкIэщIах тенджызым ещхьщ адыгэ тхакIуэ Iэзэм гурэ псэкIэ къигъэщI и романхэр.
Урыс-Кавказ зауэм кърикIуэу адыгэхэм къатепсыха гуауэшхуэр МэшбащIэм ещхьу къэзыгъэлъэгъуэфа тхакIуэ гъуэтыгъуейщ. Ауэ щыхъукIи, абы и гъуазэр тхыдэм и пэжыращ. Мыбдеж ар зытемыкIыр Iуэхур зэрекIуэкIам хуэдэу дигъэлъагъужынырщ. Зауэр къыдэзыщIылIахэми абыхэм япэувахэми езыхэм я Iуэху еплъыкIэ яIэжт: зыми зигъэкъуэншэжыртэкъым. Ауэ арэфым хуэдэу къуаншэр гурыIуэгъуэт: лажьэрэ шхэжу, зи бын зыпIыжу, зи лъахэмрэ лъэпкъымрэ иригушхуэу, иригуфIэу псэухэм къатеуэу мафIаер къезыдзауэ зыгъэсхэрат ер зи ужьым къикIыр.
Пэжыр зи гъуазэ МэшбащIэ Исхьэкъ и «Щхьэл мывэхэр» (1993 гъэ), «Адыгэхэр» (2003), «ТIасхъэщIэх» (2010) романхэми, нэгъуэщI и тхыгъэхэми укъыщеджэкIэ къыбгуроIуэ зэпэщIэува лъэныкъуитIым щыщу ар зи телъхьэр, къызыщхьэщыжыр дэтхэнэрами: дауи, тхакIуэр зи уэчылыр зи лъахэм, зи лъэпкъым, зи щхьэхуитыныгъэм папщIэ зи псэм емыблэж адыгэхэращ. Абыхэм «къуаншагъэу ябгъэдэлъыр» зыт: мацIэм хуэдиз хъууэ, зи Iэщэ-фащэкIи лъэщу зэщIэузэда бийхэм нэхърэ куэдкIэ, икъукIэ куэдыкIейкIэ зэрынэхъ мащIэмрэ IэщэкIи фIыуэ зэщIэузэдахэу зэрыщымытрат. А зауэ гуащIэм щынэрылъагъут куэдым хьэдэ куэд, мащIэм хьэдэ мащIэ зэрырахыр. МащIэхэми, гуащIэхэт, щIэзауэр, я псэр щIатыр ящIэжырти, адыгэхэм я лIыгъэм и хъыбархэр дуней псом щызэлъащIысырт. Уи хэкум, уи щхьэхуитыныгъэм ущIэзэуным хуэунэтIауэ ди лъэпкъым къигъэлъагъуэ лIыгъэм и щапхъэр дэнэкIи къыщахьырт. Шэч къыщIытепхьэн щымыIэу, мыр дунейпсо тхыдэм и пэжхэм ящыщщ.
Мис а пэжыращ адыгэ тхакIуэшхуэ МэшбащIэ Исхьэкъ и творчествэм лъабжьэ хуэхъури. А лъабжьэм и къуэпсхэм задзмэ, быдэу хэкIэурэ, абыхэм къатекIа жыгхэм - романхэм мэзышхуэу заубгъури, адыгэ тхакIуэм и цIэр, и пщIэр дуней псом щагъэIуащ. Iуэхур апхуэдэу зэрыщытым сигурэ си щхьэрэ зэтелъу сэри щыхьэт сытехъуэфынущ.
ЗЫКЪОМ щIауэ соцIыху сэ МэшбащIэ Исхьэкъ. Къэбэрдей-Балъкъэрым и ТхакIуэхэм я зэгухьэныгъэм сызэрыщылажьэ иужьрей илъэс 12-м къриубыдэу ар нэхъыфIыжу къэсцIыхуащ, абырэ сэрэ нэхъ щIэх-щIэхыурэ дызэхуэзэурэ дыкъокIуэкI. Си нэгу щIокI МэшбащIэр лъэпкъыбэ урысей литературэм и тхакIуэ нэхъ лъэщ дыдэхэм зэращыщыр.
Псом хуэмыдэу схуэмыIуэтэщIу згъэщIагъуэр, сфIэтелъыджэр абы и лэжьэкIэращ. Языныкъуэхэм деж согупсыс: апхуэдиз зыхуэтх, апхуэдиз Iуэхуи зэфIэзыгъэкI мы лIыр щыжейр, зыщигъэпсэхур дапщэщу пIэрэ? Ар къэсщIэн мурадкIэ, езыми мызэ-мытIэу сеупщIащ. КъысхуэщIаращ: ди усакIуэшхуэ КIуащ БетIали зэрыжиIауэ, «зэманыр IуэхукIэ егъэнщIри» аращ, тхакIуэм къалэн зыщищIыж и махуэ лэжьыгъэр щимыгъэзащIэ зэи къызэрымыхъуращ. Абы и закъуэ? Исхьэкъ жылагъуэ лэжьыгъэу зэфIигъэкIыр зыхуэдизым ущIэмыупщIэ! Адыгей ТхакIуэхэм я зэгухьэныгъэм и тхьэмадэу мэлажьэ 1962 гъэ лъандэрэ. Литературно-художественнэ журналиплI а республикэм къыщыдокIри, абыхэми я редактор нэхъыщхьэр МэшбащIэращ.
АдэкIэ дыIэбэрэ Мэзкуу дынэсмэщэ? Илъэс Iэджэ лъандэрэ абы егъэзащIэ Урысейми и ТхакIуэхэм я союзым и унафэщIым и тхьэмадэкъуэдзэ къалэныр, аркъудейкъым - Лъэпкъыбэ (СНГ) ТхакIуэ Зэкъуэтхэм я исполкомым и унафэщIми и къуэдзэщ. А къулыкъушхуэхэр ауэ сытми номейуэ и пщэ дэлъу аракъым МэшбащIэм - Урысейми СНГ-ми я тхакIуэхэм абы пщIэшхуэ къыщIыхуащIыр псэемыблэжу, и художественнэ творчествэм зэрыбгъэдэтым ещхьыркъабзэу, пщэрылъ къыщащIа къалэнхэр, пэжыр, захуагъэр я гъуазэу, и псалъэр пхигъэкIыу зэригъэзэщIэфращ.
Мы жысIэхэм я щыхьэту зы щапхъэ къэсхьынт.
Совет Союзыр щызэхакъутэжам щыгъуэ СССР-м и ТхакIуэхэм я зэгухьэныгъэри зэбгрылъэлъыжат. А Зэгухьэныгъэм и къалэну щытахэр ягъэзэщIэн хьисэпкIэ, Мэзкууи Урысейм и щIыпIэхэми къыщызэрагъэпэщ творческэ зэгухьэныгъэ гуэрхэр. АрщхьэкIэ ахэр зэгурымыIуэ, зэщыхьэрей мэхъу. Япэхэм щыгъуэ апхуэдэ зэныкъуэкъухэр къэхъуамэ, тхакIуэхэр зэгурыгъэIуэн, зэгъэкIужын къалэныр дапщэри зи пщэ далъхьэ хабзэр МэшбащIэ Исхьэкът. Урысейм хьэмэрэ Лъэпкъыбэ тхакIуэхэм я зэIу-щIэшхуэхэр щекIуэкIкIэ МэшбащIэр сыт щыгъуи хахырт мандат комиссэхэм я унафэщIу, абы зэфIимыхыфа Iуэхур зэфIэзыгъэкIыфын бгъуэтынукъым жыхуаIэу арат. ИкIи апхуэдэ къалэнышхуэхэр адыгэлIым дзыхь къыхуэзыщIахэр зэи щыуэртэкъым. Исхьэкъ сыт щыгъуи зэгуригъэIуэфырт зи Iуэху еплъыкIэхэр зэтемыхуэ лIыкIуэхэр, ар хуэIэзэт бжьынэ зэрынар зэрыгъэкIыжыным. Ар мыбдеж зэщхь хъур къэрал зэгурымыIуэхэм яку къыдэхъуэ хьэргъэшыргъэхэр тезылъэщIэжыф дипломат Iэзэрат. Зэи къэхъуртэкъым абы тэмакъкIэщIыгъэр къыщытекIуэ. Фи щхьэ зэрыхьщ жиIэу къыщикIуэтыж, зигъэкIэрахъуэу щыщIэпхъуэж. Сыт хуэдиз гугъуехь пыщIами, и мурадым и Iэр лъигъэIэсырт: шыIэныгъэрэ акъылкIэ къигъэдэIуэфырт и тхакIуэгъухэр.
КУЭДРЭ куэдым ягу къагъэкIыж мыпхуэдэ Iуэху гуэр. Ар зэхьэлIар къэралым и тхакIуэхэм я Унэр езыхэм зэрахъумэжауэ щытаращ. Комсомолым и цIэр зезыхьэ проспектым тет а унэм 1990 гъэм нэ иращ Мэзкуу къалэм и къэрал мылъкур зехьэныр, зэгъэзэхуэныр зи пщэрылъ IуэхущIапIэм щылажьэ къулыкъущIэшхуэхэм. Мурад ящI мо унэ дэгъуэр тхакIуэхэм къытрахыну. ФIырыфIкIэ къыпхуимыкIуэтыну тхакIуэхэм ящIэр лIо? ИрамыгъэкIуалIэIауэ, унэм и хъуреягъыр къаувыхь. А зыхъумэжыныгъэ-бэнэныгъэр жэщитIрэ махуитIкIэ ирагъэкIуэкIащ. АрщхьэкIэ унэм къещэхэм я ебгъэрыкIуэныгъэми кIэ игъуэтыртэкъым. ЗэпэувагъитIым дэтхэнэр нэхъ лъэщми гурыIуэгъуэт - зэрыпхъуакIуэхэрат. «Бийм» къарукIэ узэрытемыкIуэнур нэрылъагъути, тхакIуэхэм нэгъуэщI хэкIыпIэ къалъыхъуэн хуей мэхъу. А хэкIыпIэр и кIэм нэзыгъэсыну пщэрылъ зыщащIа тхакIуитIым я зыр МэшбащIэ Исхьэкът. Ар СССР-м и цIыхубэ депутат, СССР-м и Совет Нэхъыщхьэм хэтт. Абы гъусэ хуащI урыс тхакIуэ цIэрыIуэ Белов Василий, ари депутатт.
А тIур занщIэу макIуэ СССР-м и Совет Нэхъыщхьэм икIи зыхуагъазэ абы и унафэщI Лукьянов Анатолий. Iуэхур абдежми щызэфIэмыкIыу, лIыкIуэхэм я гъуэгум адэкIи пащэн хуей мэхъу: ахэр IуощIэ СССР-м и Президент Горбачев Михаил. Захуагъэ хэлъу абы зэфIихащ Iуэхур: ТхакIуэхэм я унэр къахуэнэжащ, Урысейм и ТхакIуэхэм я зэгухьэныгъэр нобэми зыщылажьэр аращ.
Апхуэдэ зэфIэкIышхуэхэр зиIэ МэшбащIэ Исхьэкъ и творчествэми и жылагъуэ лэжьыгъэми зэгуэхыпIэ яIэкъым. Абы и пщIэр, и цIэр щаIэткIэ, а псори зыщагъэгъупщэркъым. Сэ мызэ-мытIэу срихьэлIащ МэшбащIэм и пщIэр щагъэлъапIэ гуфIэгъуэ зэIущIэшхуэхэм. Ди лъэпкъэгъу адыгэлIым и пщIэр зэраIэтым сригуфIэрт, сригушхуэрт Шолохов Михаил и цIэкIэ щыIэ литературэ саугъэтыр абы къыщратым, «Хъан-Джэрий» романыр къызэрыдэкIам иращIылIа гуфIэгъуэ зэIущIэр зыуэ гукъинэжу ирагъэкIуэкIати, мыр зымылъагъум сыт и махуэ жысIэу си гур хэхъуэрт.
Гукъинэжт 2003 гъэм Исхьэкъ и саулыкъукIэ Мэзкуу щекIуэкIа зэIущIэ телъыджэри. Ар зэхьэлIар МэшбащIэм и япэ усэ тхылъыр къызэрыдэкIрэ илъэс щэ ныкъуэ зэрырикъурат. Абы къехъуэхъурт Урысейм и тхакIуэ нэхъыфI дыдэхэм ящыщ Михалков Сергей, Бондарев Юрий, Гамзатов Расул, Карим Мустай, Кугультинов Давид сымэ, нэгъуэщIхэри. Къэрал утыкушхуэм ирашэу апхуэдэ дауэдапщэхэр куэдым иращIэкIыу пхужыIэнукъым. Ауэ адыгэлI МэшбащIэ Исхьэкъ къелэжь апхуэдэпщIэхэр.
Совет Союз къэралыгъуэ ину щытами Урысейми я литературэхэм увыпIэшхуэ щаубыд МэшбащIэ Исхьэкъ и публицистикэми. Иджыблагъэ дунейм къытехьащ «Си гъащIэр литературэращ» зыфIища тхылъыр. Абы щызэхуэхьэсащ ди тхакIуэшхуэм, жылагъуэ лэжьакIуэм и статьяхэр, къэпсэлъэныгъэхэр, интервьюхэр - литературэм теухуа и Iуэху еплъыкIэхэр. Ахэр гупсысэ куукIэ гъэнщIащ, акъылышхуэ хэлъу абыхэм къыщыIуэтащ гъащIэмрэ литературэмрэ зэгуэхыпIэ зэрамыIэр.
НыбжьыфI къызэригъэщIами къимыгъэдзыхэу, илъэс бжыгъэу кърихьэкIахэр къытемыхьэлъэу, ноби ар литературэ уанэгум исщ. Абы и къарум, и зэфIэкIым зэрыхэмыщIым и щыхьэтщ илъэс къэс ди пащхьэ кърилъхьэ и тхылъхэм я бжыгъэри фIыгъэу абыхэм яхэтлъагъуэри. Ауэ щыхъукIи, жылагъуэ къалэну и пщэ дэлъхэри нэхъ мащIэ ищIыркъым: нэхъыжьхэми ядолажьэ, нэхъыщIэхэри гулъытэншэу къигъанэркъым. ХузэфIэкIымкIэ доIэпыкъу дэтхэнэ зыми. Дунейм и пIалъэ зыщIэ, фIы пщIэмэ, ар куэдкIэ гъэбэгъуауэ къызэрыплъысыжынур къызыгурыIуа МэшбащIэр хэти хуэжумартщ, хуэгуапэщ - ари Iэзагъэм, цIыхугъэм, талантым я нэщэнэщ. Абыхэм я гъуэгум пызыщэ, зыузэщI творчествэщ.
ЗИ ТХЫГЪЭХЭР бзэ зэмылIэужьыгъуэ куэдкIэ (инджылызыбзэ, франджыбзэ, китаибзэ, хьэрыпыбзэ, тыркубзэ, испаныбзэ, нэмыцэбзэ, н.) зэдзэкIауэ дунейм къытехьэ МэшбащIэр езыри фIыщIэмыгъэкIуэдщ: Исхьэкъ адыгэбзэм къригъэтIэсащ дунейпсо литературэм и фIыпIэм хабжэ тхыгъэ зыбжанэ. Абыхэм ящыщщ Пушкин Александр, Лермонтов Михаил, Некрасов Николай, Блок Александр, Есенин Сергей, Маяковский Владимир сымэ, нэгъуэщIхэми я усэхэр, поэмэхэр.
ЩIыпIэ куэдым цIэрыIуэ щыхъуащ МэшбащIэм и «Адыгэхэр» усэм къытращIыкIа уэрэдыр. Адыгэ Республикэм и Къэрал гимным щIэлъ псалъэхэри зытхар МэшбащIэ Исхьэкъщ.
Адыгэхэм я гъащIэм, я псэукIэ-дуней тетыкIэм теухуауэ усэ куэд итхащ Исхьэкъ. Абы гулъытэншэу къигъэнакъым ди лъэпкъым и фащэ нэхъыщхьэхэм ящыщ адыгэ цейри. УсакIуэм и напщIэм телъщ и лъэпкъэгъухэм «уафэмрэ пшэплъымрэ» къыхащIыкIыу адыгэ цей зэрыхуадар, ар нэгъуэщI лъэпкъхэри зыгъэбжьыфIэ фащэ зэрыхъуар:
Адыгэ цейр зыхуадар сэрами,
Кавказым ису хъуам йокIу ар.
Адыгэ цейр нэгъуэщI фащэхэм зэрахэмыгъуащэм ещхьу, МэшбащIэ Исхьэкъ и творчествэри нэгъуэщIхэм занщIэу къахэпцIыхукIынущ. Ар, псом япэрауэ, зыхуэлажьэр, дауи, и лъэпкъыращ. МэшбащIэм и акъылыр апхуэдизкIэ нэхущ, узэщIащ, и гупсысэр гъунапкъэншэщи, абы и къалэмыпэм къыщIэкI тхыгъэ телъыджэхэр Алыхьым къигъэщIа цIыху псоми я гумрэ я псэмрэ я джэрпэджэж мэхъу. АбыхэмкIэ къацIыху адыгэхэр зищIысыр, я тхыдэр зыхуэдэр. Ар къохъулIэныр насыпышхуэщ.
КХЪУЭIУФЭ Хьэчим,
Урысейм щэнхабзэмкIэ щIыхь зиIэ и лэжьакIуэ.
2019 гъэ
Илъэс 65-рэ
хъуауэ
МЭШБАЩIЭ Исхьэкъ и творчествэм теухуауэ ятхахэм зыкъомкIэ сыщыгъуазэщи, абыхэм нэхърэ нэхъыфIи нэхъыби жысIэну сыпымылъу, Iуэхур гукъэкIыжхэм нэхъ тызогъащIэри…
Максим Горькэм и цIэр зэрихьэу Мэзкуу дэт Литературэ институтым сыщыщIэтIысхьа 1955 гъэращ сэ Исхьэкъ япэ дыдэу сыщыхуэзар. Абы ипэкIэ сцIыхуакъым ар. Псыгуэнсу къуажэм щыщ къэбэрдей усакIуэ Мысачэ Петррэ МэшбащIэмрэ 5-нэ курсым щIэст абы щыгъуэ. Дыгъуасэ Щхьэлыкъуэ еджапIэр къэзыуха сэ щIалэжь цIыкIум къызэлъытауэ, мохэр я творчествэкIи я теплъэкIи лIыт. Ауэ, пцIы щхьэ упсын хуей, зыкъысхуагъэщIа-гъуэртэкъым, зыкъысхуагъэлIыртэкъым, си щтэIэщтэблагъэр, IэпцIупцIу сызэрыхуэпар, си Iуэхур зэрымыщIагъуэр, стипендиеншэу (сыщыщIэтIысхьэм урысыбзэ тхэнымкIэ «щы» къэсхьат) сыкъызэрынар ялъагъурти, сыт хуэдизкIи сигу фIы къысхуащIырт, сымыгужьейуэ лIыгъэ зыхэгъэлъын зэрыхуейм сыхуагъэIущырт. Аркъудейтэкъым - Исхьэкъ абы щыгъуэ бынунагъуэ хъуакIэт. Щыпсэур ди общежитым пэгъунэгъубзэти, я деж дригъэблэгъэрейт. Зи тхыгъэхэр адыгэбзэкIи урысыбзэкIи щIэх-щIэхыурэ къытрадзэ, зи япэ тхылъри 1953 гъэм Мейкъуапэ къыщыдэкIа МэшбащIэ Исхьэкъ и унагъуэр хъарзынэу хуэщIауэ псэурти, зи ныбэ ныкъуэ, зи щIалэгъуэ-зи шхэгъуэ сэркIэ апхуэдэ бысым Тхьэм къузэритынт. Абы и закъуэ? Исхьэкъ и усэхэмкIи, литературэм теухуауэ сызригъэдаIуэхэмкIи сигъэнщIырт. Сэри ЩоджэнцIыкIу Алий, КIыщокъуэ Алим сымэ я усыгъэ зыкъом гукIэ сщIэ пэтми, а лъэныкъуэмкIи Исхьэкъ сылъэщIыхьэнутэкъым - абы Алий и поэмэу хъуари гукIэ къыбжиIэфынут. Сэ а лъэхъэнэхэм зыри зыхэзмыщIыкI КIэрашэ Тембот и творчествэм япэ дыдэ щыгъуазэ сызыщIари Исхьэкъщ.
Апхуэдэ ди зэIущIэхэр щIэх-щIэхыурэ екIуэкIырт. ЗэрыжысIащи, ди общежитыр здэщыIэ Переделкинэрат МэшбащIэхи щыпсэур. Лекцэ нэужьхэм электричкэкIэ Мэзкуу дикIыжу дыщыкIуэжкIэ, Исхьэкъхэ я унэмкIэ дыблэкIыжын хуейти, «фынеблагъэ, фи нысэм тхуигъэхьэзыра ерыскъым деплъынщ», - жиIэрэ къолъэIумэ, уи ныбжьэгъум и хьэтыр умылъагъуу дауэ хъунт? И жагъуэ тхуэщIыртэкъым…
Махуэшхуэхэр гъэлъэпIэнри, илъэсыщIэр къигъэхьэнри МэшбащIэхэ я деж мызэ-мытIэу щедгъэкIуэкIащ. Апхуэдэу умыщIу къыпхуадэнутэкъым езы Исхьэкъи, хьэщIэ къегъэблэгъэнкIэ нэхъыфI узыгъэлъыхъуэн и щхьэгъусэми. Апхуэдэхэр зыщыбгъэгъупщэмэ, уфIыщIэгъэкIуэдщ, сэ Исхьэкъ и фIыщIагъэ куэд слъэгъуащ.
МЕЙКЪУАПЭ къигъэзэжа нэужь къудейкъым МэшбащIэм къулыкъу IэнатIэ куэд зэрихьэн щыщIидзар - институтым щыщIэса илъэсхэми унафэщIхэм ящыщт ар: студентхэм ди комитетым и тхьэмадэт, парт, комсомол организацэхэми щыкъулыкъущIэт. ЖыпIэнурамэ, жьы зыщIэт, дэнэкIи хунэс щIалэ жыджэрт. Арат ар егъэджакIуэхэми еджакIуэхэми фIыуэ щIалъагъур. Иджыпсту слъагъум хуэдэу фIыуэ сощIэж институтыр къыщиухым абы и диплом лэжьыгъэм иращIэкIауэ щыта гуфIэгъуэ зэIущIэшхуэр зэрекIуэкIар. МэшбащIэм а пщыхьэщхьэм щытхъурэ псалъэ гуапэу къылъагъэсар зы тхылъ хъунт. Ин срихъуу седаIуэрт къэралым и тхакIуэ, усакIуэ цIэрыIуэхэу Чуковский Корней, Иванов Всеволод, Светлов Михаил сымэ, нэгъуэщIхэми Исхьэкъ къыхужаIэ щытхъушхуэхэм. Зи творчествэр фIым я нэхъыфIыжхэм хабжэ МэшбащIэм диплом плъыжьыр къыщратым иращIэкIа Iэгуауэ макъыр зэхэпхыныр гухэхъуэт…
Илъэс хыщI япэкIэ апхуэдэ Iэгуауэхэр зыхуаIэту литературэм и гъуэгуанэшхуэм техьа си ныбжьэгъу МэшбащIэ Исхьэкъ и цIыхугъэкIи и та-лантышхуэмкIи псалъэ гуапэхэр, щытхъухэр къыхуагъэфащэу сыт щыгъуи къызэрекIуэкIым куэд щыгъуазэщ. Ар зэи укъэзымыгъэщIэхъун ныбжьэгъу пэжщ. ЦIыху жумартщ. Гулъытэшхуэ зыхэлъщ. А хьэл-щэныфIхэр абы куэдрэ щыдэслъэгъуащ Мэзкууи, Мейкъуапи, Налшыки. Дыщынэхъ щIалэхэм щыгъуэ ди лэжьыгъэхэмкIи, литературэ IуэхухэмкIи, тхакIуэхэм я юбилейхэр гъэлъэпIэным ехьэлIауи нэхъыбэрэ дызэкIэлъыкIуэу зэрыщытам шэч хэлъкъым. Абыхэм щыгъуэ Мейкъуапэ узэрыдыхьэу япэ узыхуэза уи цIыхугъэр, сэлам-чэлам нэужьхэм, занщIэу къоупщIырт: «Исхьэкъ флъэгъуа?» - жиIэрти.
Абы къикIыр гурыIуэгъуэщ: Исхьэкъ ухуэзэмэ, абы зэфIимыхыфынрэ къыпхуимыщIэфынрэ щымыIэу арат. Зи зэманыр апхуэдизу зэпэубыда, щхьэIэтыпIэ зимыIэ (апхуэдэу щымытамэ, абы тхылъи 100-м нэс къыхудэгъэкIрэт?!) тхакIуэ, IэнатIэ Iэджэ зезыхьэ, жылагъуэ лэжьыгъэхэри зыгъэзащIэ ди ныбжьэгъум псоми закъыдигъахуэрти ущIэкIуа Iуэхур пхузэфIигъэкIырт. Литературэм, лъэпкъ проблемэхэм ятеухуауэ псалъэмакъ щхьэпэхэр къыбдригъэкIуэкIырт. Я деж уишэу и щхьэгъусэ телъыджэм и шыгъупIастэ умышхауи къалэм укъыдигъэкIыжынутэкъым. Аркъудейкъым: «Фызытехьэжыну гъуэгум и кIыхьагъыр сэ фIыуэ сощIэ», - жиIэнти, гъуэмылэншэуи укъригъэжьэжынтэкъым.
Пэж дыдэу, абы фIыуэ ещIэ Мейкъуапэрэ Налшыкрэ яку дэлъ гъуэгум и кIыхьагъыр: езыр гущхьэIыгъыуи (псом хуэмыдэу щынэхъ щIалэм щы-гъуэ) е и шоферым зыкъригъашэури ар ди деж къэкIуэрейт - лъагъунлъагъу къудейуи, ди тхакIуэхэм я юбилейхэм хэтын папщIи. Апхуэдэ щхьэкIэ километр 1000-м нэблагъэ зэпызычыну гъуэгу техьэнкIэ хъунур адыгэ тхакIуэу хъуар дызыгъэныбжьэгъу, дэри пщIэ зыхуэтщI, КIэрашэ Темботрэ КIыщокъуэ Алимрэ я гъукIэгъэсэн, я цIыхугъэ лъагэу щытахэмкIи, я талантымкIи абыхэм ядэплъейуэ, я гъуэгум пызыщэу зи илъэс пщIейр къезыхьэлIа си ныбжьэгъу нэхъыжь МэшбащIэ Исхьэкъ и илъэсищэ юбилейри щигъэлъапIэкIэ езым дэ къытхуищI гулъытэм хуэдэ зэригъуэтыжыр зылъагъунухэм я насыпщи, абы хэмынынхэм ящыщ Тхьэм дищI.
ЕЛГЪЭР Кашиф.
КъБР-м и цIыхубэ тхакIуэ.
Без прошлого
нет будущего
- Исхак Шумафович, на вечере в Международном сообществе писа-тельских союзов (СНГ) Сергей Владимирович Михалков сказал: «75 лет - вершина, с которой можно оглянуться на прожитое и пережитое. За эти годы, не расставаясь с поэзией, Машбаш стал крупным романистом. Его взгляд на историю России и адыгского народа обрёл историческую правду и яркую художественность. Его гражданская позиция всегда отличается мужественностью, углублённым взглядом на непростые национальные и интернациональные отношения. Он - настоящий державник, переживающий за судьбу России и её многоязыких народов. Жизненная мудрость даёт ему возможность тонко и многозначно проявлять себя в сложной государственной и общественной политике». На вечере вспоминали ваших старших современников - Алима Кешокова, Кайсына Кулиева, Расула Гамзатова, Мустая Карима, Давида Кугультинова.
- К сожалению, эти выдающиеся писатели уже ушли из жизни, они мои учителя, я продолжаю их традиции. В литературе свой принцип естественного отбора. И только по прошествии времени «стираются случайные черты» и книги занимают подобающее им место в духовной жизни общества. Зачинатели адыгской литературы - Тембот Керашев, Али Шогенцуков, Ахмед Хатков, Алим Кешоков, Абдуллах Охтов - прошли путём неизведанным, проложив тропу в литературе. Я лишь немного расширил её. Кто-то другой, выйдя вслед, пойдёт дальше, возможно, и выше.
Как писатель, я всё время задаю себе вопросы: для чего живу и куда иду, что несу людям своими книгами? Больше тридцати лет не пишу стихов - только иногда, для души. То, что всё больше волнует меня, по прошествии лет диктует иную, не стихотворную форму.
- Вы возглавляете Союз писателей Адыгеи с 1962 года, были участником многих значительных литературных событий. В 1991 году наступила новая историческая эпоха, была провозглашена свобода слова. Что это дало писателям Адыгеи?
- Так уж совпало, что в творческой среде свободнее стало дышать с обретением Адыгеей статуса республики. До ее образования Союз писателей Адыгеи с большим трудом выпускал лишь альманах «Дружба» на адыгейском языке. Сегодня издаются журналы «Дружба» и «Созвездие» - на адыгейском, «Литературная Адыгея» и «Родничок Адыгеи» - на русском языках. Несмотря на финансовые трудности, продолжается деятельность книжного издательства республики, выходят в свет книги адыгейских и русских писателей, а также молодых поэтов и прозаиков разных национальностей. Активно проявляет себя творческая молодёжь - и это чрезвычайно радует.
Я убеждён: писатель должен творить на родной земле. Чувство родины, земли отцов, знание истории Отечества, его прошлого и настоящего, родного языка - без всего этого нет и не может быть национального писателя.
Несколько раз меня приглашали работать в Москву: и секретарём правления Союза писателей России, и заместителем председателя Исполкома МСПС, главным редактором журнала «Октябрь». Было заманчиво, но я отказывался. Я не чиновник, я - национальный писатель. О чём я буду писать в Москве? Коллеги поняли меня.
- Тема связи времён, влияния прошлого на настоящее и будущее - одна из главных в вашем творчестве. Приходилось ли вам пересматривать свои прошлые взгляды?
- «Пройдут годы, изменятся обстоятельства, и постепенно успокоится Черкесия. Страна, на которой нет места, не окупленного подвигом, не ознаменованного кровавым событием. Когда-нибудь досужий писатель соберёт материалы, прислушается к преданиям, опишет просто, без прикрас эту войну...» Эти слова из романа «Жернова» - не плод творческого вымысла, они принадлежат русскому офицеру К. Сталю - участнику Кавказской войны. И я всегда старался следовать исторической правде, которая заключается в том, что в жерновах тех кровавых событий оказались не только те, кто был истреблён и изгнан, но и те, кто пришли на эту землю.
Когда-то, ещё юнцом, я вторил старшим товарищам по литературной работе, окрестившим Хан-Гирея и других адыгских просветителей «буржуазными» деятелями. Со стыдом вспоминаю это. И только спустя годы, познакомившись с наследием просветителей, оценил масштабность этих великих людей. С комком раскаяния в горле писал я «Хан-Гирея», повторяя: «Прости меня, Хан-Гирей...»
- Прошедшие десятилетия вашего творчества - это романы «Раскаты далёкого грома», «Жернова», «Хан-Гирей», «Два пленника», «Ридада», «Из тьмы веков», «Адыги», «Восход и закат» и другие. В них дана целостная картина исторического прошлого адыгского народа. Тема адыгской диаспоры, рассеянной по всему миру после Кавказской войны, звучала ещё в вашем поэтическом творчестве. Ещё в 50-е годы вы напомнили миру о трагедии своего народа. Задолго до того, когда об этом можно говорить без страха, без оглядки. Вы стали автором первого романа о черкесских правителях-мамлюках Египта. Без романа «Восход и закат» история адыгов, думается, была бы неполной...
- Главная тема этого романа - личность в истории на очень крутом переломе событий. Закат черкесских султанов в Египте и Сирии обагрён большой кровью. Образ Туманбая - яркий тому пример, он стал воплощением уходящей эпохи мамлюков. Я словно проживал заново события жизни султанов Бибарса, Калауна, Баркука, Каншао-Гура.
Ни в коей мере не идеализируя их, рассказал о победах и поражениях. Например, победы Бибарса - бывшего раба-мамлюка - поистине потрясают воображение. Под его руководством мамлюки громят монгольских воинов и изгоняют с арабских территорий крестоносцев. А Баркук? Кто ещё мог остановить войска Тамерлана на подступах к Египту, в зените их военной славы и в самый разгар их экспансии на Запад?
Правление мамлюков стало эпохой наивысшего процветания исламского Египта: здесь царила веротерпимость, её дух притягивал философов со всего исламского мира.
- Этот же дух толерантности пронизывает все ваши произведения.
- Нам следует взять из нашего прошлого не горе и слёзы, не наши невосполнимые потери, не обиду и злость - эту золу воспоминаний, а примеры стойкости, мужества, добра, справедливости, извлечь позитивные уроки. Знание своих корней, изучение уроков прошлого дают нам мудрость, освещают путь в будущее.
- Вы перевели на адыгейский язык много произведений русской классики - «Слово о полку Игореве», «Медный всадник» Пушкина, «Беглец» Лермонтова, «Железная дорога» Некрасова, «Двенадцать» Блока, «Анна Снегина» Есенина, «Облако в штанах» Маяковского. Почему вы обратились именно к этим авторам?
- Мои переводы вышли в свет отдельной книгой на адыгейском языке. Я должен был выполнить свой долг перед великой русской литературой, из которой я вырос. Личность каждого поэта, произведения которого я переводил, значима для меня. Работая над переводом, проникаешься обра-зами, менталитетом, мироощущением другого писателя, чувствуешь время, эпоху, в которые он жил и творил. Словно через душу и сердце пропускаешь слова. Таким образом, и через литературу приходит взаимопонимание между народами.
- Над чем сейчас работаете?
- Франция, да и вся Европа, знала одну великую черкешенку, о которой позже узнал и её родной народ, и весь мир. Это Айшет, или Аиссе, которую при крещении нарекли именем Шарлотта-Элизабет Аиссе. Маленькой девочкой она была выкуплена на невольничьем рынке Стамбула французским дипломатом Шарлем де Ферриолем, стала его приёмной дочерью и выросла в аристократической семье. Сейчас пишу о судьбе этой знаменитой дочери адыгского и французского народов.
Она жила во времена Людовиков XIV и XV - в эпоху крушения нравственных устоев общества. Но Аиссе, как говорили о ней, олицетворяла чистоту и святость человеческих чувств. Её «Письма к госпоже Каландрини» признаны классикой французской литературы. Айшет-Аиссе прожила недолгую жизнь. Её красотой, умом, творчеством восхищались многие, в том числе и Вольтер, её близкий друг. Она была частичкой рода адыгов в далёкой стране. О судьбе этой женщины хочу рассказать читателям.
Беседу вела Марина ПЕРЕЯСЛОВА.
«Литературная газета»,
ноябрь 2006 г.
ИщIэркъым къэувыIэ
Адыгэ Республикэм, Къэбэрдей-Балъкъэрым, Къэрэшей-Шэрджэсым я цIыхубэ тхакIуэ МэшбащIэ Исхьэкъ тхылъеджэм лейуэ щIебгъэцIыхужын щыIэкъым. Ар куэд щIауэ яцIыху и романхэмкIэ, повестхэмкIэ, усэхэмкIэ, поэмэхэмкIэ. Ауэ иджыблагъэ МэшбащIэм адыгэбзэкIи урысыбзэкIи къыдигъэкIа «Зэманым и шэрхъ» тхылъыр усакIуэм и лэжьыгъэщIэ къудейкъым, атIэ нэхъапэм зэмылэжьа усыгъэ лIэужьыгъуэщ.
Сатыр плIырыплIхэм адыгэ усыгъэм нэхъапэхэми дащыхуэзащ. Ауэ МэшбащIэр хущIэкъуащ езым и еплъыкIэ, бгъэдыхьэкIэ, хъэтI щхьэхуэ мы усэ тхыкIэм къыхуигъуэтыну.
Лъэпкъым игъащIэ лъандэрэ къыдэгъуэгурыкIуэ гупсысэкIэу псалъэжь, жыIэгъуэ хуэдэхэм яхэлъ купщIэр аращ усэ сатыриплIхэм лъабжьэ нэхъыщхьэ яхуищIар, ахэр адыгэбзэм дахэу зэригъэшэрыуэфыр МэшбащIэм и тхылъыщIэмкIэ наIуэ къытщищIащ.
Псалъэр мащIэрэ гупсысэр бащэу - аращ мыпхуэдэ усэ лIэужьыгъуэм и нагъыщэ нэхъыщхьэр, аращ ар адыгэ псалъэжьхэм, жыIэгъуэ-хэм гъунэгъу яхуэзыщIри.
Пэжщ, сатыр плIыры-плIурэ зэхэлъхьа усэхэр дунейпсо литературэм щыгъунэжщ. Адыгэ литературэм абыхэм куэдрэ дащримыхьэлIэми, ди усыгъэм ари и хамэкъым. Псалъэм папщIэ, апхуэдэ усэхэр итхыгъащ КIыщокъуэ Алим. Гум къэбгъэкIыж хъунущ адыгэ псалъэжьхэр, жыIэгъуэхэр урысыбзэкIэ итхыжу Семэн Руслан къыдигъэкIауэ зэрыщытари.
МэшбащIэм и сатыриплIхэм гъащIэм и зэхэлъыкIэм урагъэгупсыс, гуапагъэм, цIыхугъэм, дахагъэм ухураджэ, блэкIар уигу къагъэкIыжри, къэкIуэнумкIэ уагъаплъэ.
Езы усакIуэми зэрыжиIэщи, зэманым и шэрхъыр къэмыувыIэу мажэ, цIыхури абы кIэлъожэ, къыкIэрыхумэ, зэманым и щIыхуэ къытехуэнкIэ, и губгъэн къихьынкIэ шынэу.
«Зэманым декIур лIыфIщ» жыхуиIаращи, зэманым уекIуу, ауэ уи блэкIами уемыпцIыжу, тхыдэм и дерсхэр зыIэпумыгъэхуу нобэрей дунейм утетыфын хуейщ. А гупсысэрщ тхылъым, тхылъым и мызакъуэу, ди гъащIэ псом и джэлэсыр.
«Зэманым и шэрхъ» тхылъыр мыин дыдэми, абы усакIуэм и творчествэм щIыпIэшхуэ зэрыщиубыдынур шэчыншэщ.
Адыгэбзэм щIыгъуу тхылъыр урысыбзэкIэ къызэрыдэкIами мыхьэнэшхуэ иIэщ. Абы адыгэбзэкIэ къеджэхэм я мызакъуэу, нэгъуэщIхэми яригъэлъагъуфынущ сатыриплI усэ лIэужьыгъуэм адыгэ усыгъэри зэрыхуэшэрыуэр. Тхылъыр урысыбзэкIэ хъарзынэу зэридзэкIащ Твороговэ Валентинэ.
АБЗУАН Пщымахуэ.
МЭШБАЩIЭ Исхьэкъ
Зэманым и шэрхъ
Уахъты кIэншэм и щIыхуэ пшыныжыпхъэ
Стелъ хуэдэ,сыкIэлъожэ зэман шэрхъым.
Сяпэ итми, ищIэркъым къэувыIэ,
ЗэщIэплъауэ, гъущIышыр щIегъэIэ.
Уафэм игъуэщыхьа пшэ хужь
Пшэ хужьыр ныбжьу щIэлъщи уафэ лъащIэм,
ЕгъэпIейтей мы си псэр псэху имыщIэу…
Къуршыщхьэ лъагэхэм къыщежэх жьыбгъэ,
Щхьэ щIыIэр ноби гум и лъащIэм щыкъугърэ?
Дуней щэхум
Пшапэр зэхэуэм, къыщIэкIынущ мазэр,
Псэхэр къытхуигъэнэхуу, тхуигъэкъабзэу.
Уахътыншэу итми уэгум мазэм и бзийр,
Мамыру псэуфыркъым зи мы дунейр.
Къару мыух
Уахътыншэ щIэмытми мазэм и щIагъым,
ГугъапIэм зэи лIэжын и мыгугъэ.
Зэгуэрым шэчыншэу сщыхъунущ хьэкъ мыр:
Зи гугъэр мыухым мыухщ и къарур.
МафIэ ужьыхыж
Бжьыхьэ уэфIым и мафIэ дыхьэрэным
И бзий зэмыфэгъухэр зэбгредз щхьэхынэу…
Ди блэкIахэм щыщу къытхуэнэжыр
И сахуэ закъуэрщ мафIэ ужьыхыжым.
ШхуэIу
Къызатащи зы шы емылыдж,
ЕщIыр зэм ислъэмей, зэм мэудж!
Сыт хуэдиз и IэфIагъми щIалэгъуэм,
СIыгъщ сыт щыгъуи и шхуэIур нэхъ Iэгъуэу.
Уэшхым сошэс
Сытым щыгъуи согъэщIагъуэ мы гупсысэр:
Дэнэ щыIэ нобэм къэс си шы мыгъасэр?
Зэшыгъуэ схуэмыхьыжыр зыщхьэщысхыу,
Сошэсыр уафэгъуагъуэ уэшхым!
Хэт къызэджар?
Хэт а сымыцIыхуу сэ къызэджэу
ЦIыхухэм хэпшэхъуэжыр зэуэзэпсэу?
АрагъэнкIэ хъуну щIауэ Iэджэ
Епсэлъэну къилъыхъуар мы си псэм?
Тенджыз ФIыцIэм сыщыхэплъэкIэ
Тенджыз Iуфэу псым щигъэIум и даущ
Аргуэру си гум къыщокIыж си лъэпкъыр -
Къегъэзэжри тхыдэм, хэмыщIауэ щыщ -
БлэкIамкIэ зэщIеIулIэ си Iэпкълъэпкъыр.
ЛъэхъэниплI
Мазэ пщыкIутIыр кIэншэу хэтщ илъэсым,
ЛъэхъэниплIу егуэшыжыр мы дунейр.
Ахэм ящыщу зы къыхуэтым уи псэм,
ПлъэкIыфынукъым укIуэну уи пщэдейм.
Iэлъын
Къысщыдыхьэшх, ухуейм сыкъэщI ауан,
Пхуэзгъэгъуфынущ, узолъагъури фIыуэ.
Ауэ мы си гугъапIэм и Iэлъын
СIэрылъар згъуэтыжыркъым, кIуэдауэ.
ГугъапIэм и пщалъэ
ЩIымахуэр икIри, къытхуэкIуащ гъэмахуэр,
ЩIыр къоушыжыр, жейкIэ зигъэнщIауэ.
КIыфIым хэтми, къыщыстепси нэхур,
Къэхъуакъым псэр гугъапIэ щызгъэщIауэ!
Къэблэжь уи Iыхьэщ
КъыщIожыр псынэр, псыежэх хъужыну,
ИужькIэ тенджызышхуэм хэхуэжыну.
ЛIэщIыгъуэхэр зи ныбжь жыгей абрагъуэр
Iуэхуншэм, йогъукIыжыр итырыгъуу.
Уафэ лъащIэм и жыхапхъэ
Жыг тхьэмпэр жьыбгъэм егъэщхъыщхъыр,
КъызэщIеубыдэр жьым жыг щхьэкIэр.
Жыг щхьэкIэ бапхъэр и жыхапхъэу,
Уафэм и лъащIэр зэщIепхъанкIэ.
Джэрпэджэж
Пщэдджыжь аргуэру къыщIэкIынущ дыгъэр,
Ауэ сфIэмыIэфIыж иджы пшэкIэплъыр.
Сыджэ пэтми, хэзмыхыжу си гугъэр,
Джэрпэджэжырщ къыпэджэжыр си псалъэм.
Жьуджалэ
Жьуджалэм къыщежыхьыр губгъуэм,
Къыщыхуауэ пIэрэ Тхьэм и ней,
ЩхьэегъэзыпIэ хуэхъун абгъуэ
Къыщилъыхъуэу пIэрэ мы дунейм?!
Жыг закъуэ
Жыг закъуэ, имыгъэщхъыу и щхьэр,
Щытщ уардэу, губгъуэхэр къиплъыхьу.
Апхуэдэ жыгым, сымыдзыхэу,
Сопсыхри, си шыр сэ изопхыр.
Си алъпыр
Си гугъапIэ-гупсысэхэр алъпырщ зэзгъэщхьыр.
ГъащIэ, кхъыIэ, зэи абы ущымыхьэ.
Ар сфIэкIуэдмэ, тепщэ схуэхъунущ зэшыгъуэр,
Щалъэхъауэ къысфIэщIу нэгъуэщIым и губгъуэм.
Гъэмахуэ - бжьыхьэ
Гъэмахуэ шылэ бадзэуэгъуэм
Дэ щIыIэтыIэм дыщIохъуэпсыр.
Къыдолъытэж гъэмахуэр игъуэу,
Бжьыхьэ уэтIпсытIыр къызэрысу.
Нэхъ иныр
Жыгхэр, бгыхэр, цIыхухэм я нэхъ иныр
Сыт щыгъуи занщIэу нэхъ къыIуедзэр уи нэм,
Нэм къыпхуимыщтэу псэкIэ къулейсызыр
Нэхъ инхэм хузэгуопыр угъурсызу.
Хамэ уэрэд
Хамэ уэрэдыр фIэмыIэфIми уи псэм,
ТхьэкIумэм къиIуэ защIэм, уегъэжей.
Ауэ къыпхуихьам хъыбар гущIыхьэ,
Жейм укъыхешри, уи псэм къыпфIыхохьэ.
Зыр уи мащIэм,
адрейр уи куэдщ
ЩIалэ уи куэдмэ,
Уи куэдынщ нысащIэ,
Хъыджэбз уи куэдмэ,
Малъхъэ ущымыщIэ.
Гуащэ къафэ
НысащIэр бзаджэуи? ПцIы зэфэзэщщ ар,
ЖыIэт гуащэр къэзыгъэфэфар!
КъекIухьыр гуащэм лъапэпцIийуэ.
Къимыгъэушыну нысэ жейр…
Зыгъэхьэзырар
УЭРЭЗЕЙ Афликщ.
