Сабий IуэхущIапIэм зеужь«Доступная среда» къэрал программэм ипкъ иткIэ, сабий творчествэм и «Эрудит» IуэхущIапIэм къыщызэрагъэпэщащ пэшыщIэхэр. Ахэр техникэм и иужьрей IэмэпсымэхэмкIэ зэщIэузэдащ, пэш кIыфIрэ нэхуу зыщхьэщедз, зэрыжаIэмкIи, сабийм и зыужьыныгъэм хуолажьэ. Пэш кIыфIым цIыкIухэм зыщагъэпсэхуфынущ, нэхум щылэжьэнущ, щыджэгунущ. Къыхэгъэщыпхъэщи, «ЗэфIэкI зэхуэдэхэр» зыфIаща программэм ипкъ иткIэ, «Эрудит»-м къекIуалIэ сабийхэм къафэмкIэ, уэрэд жыIэнымкIэ, сурэт щIынымкIэ, Iэпхъуамбэхэр лажьэу егъэсэнымкIэ, зи бзэр къутахэм я псэлъэкIэр зэтеухуэжынымкIэ, егъэджэныгъэ и лъэныкъуэкIэ лэжьыгъэшхуэ щрагъэкIуэкI. КъищынэмыщIауэ, зи узыншагъэм сэкъат иIэ сабийхэр я пIэ имыкIыу егъэджэным, абыхэм ядэлэжьэным хухахащ пэш щхьэхуэхэри. Апхуэдэхэм я узыншагъэр ирагъэфIэкIуэн папщIэ, пэшыр къызэгъэпэщащ компьютер, клавиатурэ, доска, пиктограммэ щIэщыгъуэхэмкIэ. КъищынэмыщIауэ, гуныкъуэгъуэ зиIэ цIыхухэм психологыр щадэлажьэ пэшри зэщIэузэдащ «вагъуэбэ уафэкIэ», «бассейн гъущэкIэ», «гъуджэ телъыджэхэмкIэ», пшахъуэкIэ сурэт щащI IэнащхьэмкIэ, джэгуалъэ зэмылIэужьыгъуэхэм-кIэ.
Поделиться:
Читать также:
24.04.2024 - 17:30 →
Нобель и саугъэтыр зыхуагъэфэща академикхэр
24.04.2024 - 16:32 →
Метр зэбгъузэнатIэ мелуанитIрэ ныкъуэрэ
24.04.2024 - 14:28 →
«Дунейр къызэхэкIухьи, уи унэжь екIуэлIэж»
24.04.2024 - 14:27 →
ЩIыналъэм зиужь зэпытщ
23.04.2024 - 19:01 →
ГъуэгуфIхэр нэхъыбэ мэхъу
|