|
Махуэгъэпс
16 апреля, 2024 - 08:18
Лэжьыгъэм, гуащIэдэкIым теухуахэр
Абрэмывэ зыкъутэм татуугъуэ егъуэт.
Акъыл зиIэм и Iуэхур махуищщ, акъылыншэм и махуэ махуищщ.
Арму и унэ лъэбышэщ.
Бжьэ зэмыдзэкъам фом и уасэр ищIэркъым.
Бжьэ зезыхуэр хум елэжьым и Iыхьэгъущ.
Бжьэ зыдэсым фо дещIэ.
Бланэр уигу къэкIамэ, къуэладжэ щыщакIуэ.
ВакIуэлIыр хуэмыхумэ, пашэвыр мэхъуакIуэ.
Вы зимыIэм шкIэ щIещIэ.
Выжь и махуапщIэ выщIэ и уасэщ.
Вым еубзэ, шым езауэ.
Гъатхэ уафэ гъуанэщ.
16 апреля, 2024 - 04:08
Мэлыжьыхьым и 16, гъубж
Макъым и дунейпсо махуэщ
1905 гъэм Урысейм и япэ профсоюзыр - печатым и лэжьакIуэхэм ейр - къызэрагъэпэщащ.
1920 гъэм цIыхубэ милицэм и Налшык управленэр къызэрагъэпэщащ.
1934 гъэм СССР-м и ГъэзэщIакIуэ комитет нэхъыщхьэм и унафэкIэ ягъэуващ «Совет Союзым и ЛIыхъужь» цIэ лъапIэр.
Дунейм и щытыкIэнур
15 апреля, 2024 - 09:19
Мэлыжьыхьым и 15, блыщхьэ
♦Щэнхабзэм и дунейпсо махуэщ
♦Экологием теухуа щIэныгъэхэм я дунейпсо махуэщ
♦Урысейм IэщэкIэ ЗэщIэузэда и Къарухэм я радиоэлектроннэ дзэхэм я IэщIагъэлIым и махуэщ
♦1395 гъэм Тамерланрэ Тохъутэмыщрэ я дзэхэр Тэрч и деж щызэзэуащ.
♦1934 гъэм къалъхуащ биологие щIэныгъэхэмкIэ доктор, профессор, КъБР-м щIэныгъэхэмкIэ щIыхь зиIэ и лэжьакIуэ, ЩIДАА-м и академик Слъон Лудин.
12 апреля, 2024 - 04:38
Мэлыжьыхьым и 12, мэрем
ЦIыхум хьэршым япэу лъагъуэ щыхиша дунейпсо махуэу ООН-м игъэуващ
Авиацэмрэ космонавтикэмрэ я дунейпсо махуэщ
1961 гъэм Гагарин Юрий «Байконур» щаутIыпща «Восток» кхъухьым ису дунейм щыяпэу хьэршым лъэтащ.
1929 гъэм къалъхуащ публицист, КъБР-м щэнхабзэмкIэ щIыхь зиIэ и лэжьакIуэ КIумыхъу Жылэбий.
11 апреля, 2024 - 06:00
Мэлыжьыхьым и 11, махуэку
♦Фашист гъэрыпIэм исахэр хуит къызэращIыжам и дунейпсо махуэщ
♦Паркинсон узыфэм ебэныным и дунейпсо махуэщ
♦1892 гъэм къалъхуащ адыгей тхыбзэр зэхэзылъхьа БекIухъу Ахьмэд.
♦1931 гъэм къалъхуащ УФ-м щэнхабзэмкIэ щIыхь зиIэ и лэжьакIуэ, журналист КIасэ Чэмал.
9 апреля, 2024 - 06:00
Мэлыжьыхьым и 9, гъубж
1938 гъэм къалъхуащ биологие щIэныгъэхэмкIэ доктор, КъБКъУ-м и профессор Азэмэт Лалушэ.
1947 гъэм къалъхуащ литературэдж, критик, къэрал лэжьакIуэ, филологие щIэныгъэхэмкIэ доктор, профессор Тхьэгъэзит Юрэ.
1954 гъэм къалъхуащ Тыркум щыщ Къайсэр вилайетым и губернатору щыта Джамбулэт (Яхэгуауэ) Нихьэт.
8 апреля, 2024 - 09:19
Мэлыжьыхьым и 8, блыщхьэ
Урысей анимацэм и махуэщ
УФ-мрэ Белоруссиемрэ я дзэ комиссариатхэм я лэжьакIуэхэм я махуэщ
1918 гъэм адыгэ узэщIакIуэ, щIэныгъэлI Сихъу Сэфарбий и усэхэр зэрыт тхылъ къыдэкIащ.
1908 гъэм къалъхуащ Адыгэ Республикэм щыщ парт, совет лэжьакIуэ, Социалист Лэжьыгъэм и ЛIыхъужь Чэмокъуэ Аслъэнджэрий.
1938 гъэм къалъхуащ композитор, УФ-м гъуазджэхэмкIэ щIыхь зиIэ и лэжьакIуэ Тыкъуэ Къаплъэн.
5 апреля, 2024 - 06:07
Мэлыжьыхьым и 5, мэрем
Гъэсэныгъэм и дунейпсо махуэщ
1905 гъэм Курп Ищхъэрэ къуажэм и мэкъумэшыщIэхэм зыкъаIэтащ.
1943 гъэм ВКП(б)-м и Къэбэрдей-Балъкъэр обкомым и бюром унафэ къищтащ Бахъсэн ГЭС-р зэфIэгъэувэжыным теухуауэ.
1956 гъэм къалъхуащ бзэщIэныгъэлI, филологие щIэныгъэхэмIэ доктор, профессор, ЩIДАА-м и академик ПIаз Сергей.
Дунейм и щытыкIэнур
4 апреля, 2024 - 05:33
Мэлыжьыхьым и 4, махуэку
Интернетым и дунейпсо махуэщ
Компьютерыр зэтезыухуэм и дунейпсо махуэщ
1933 гъэм Къэбэрдей-Балъкъэрым и тхакIуэхэм я оргбюро къызэрагъэпэщащ.
1896 гъэм къалъхуащ адыгэхэм я къекIуэкIыкIам теухуа лэжьыгъэ куэд зиIа, тхыдэ щIэныгъэхэмкIэ доктор, профессор Кокиев Георгий.
3 апреля, 2024 - 06:00
Мэлыжьыхьым и 3, бэрэжьей
♦Урысейм щагъэлъапIэ Геологым и махуэр
♦ГуфIэгъуэ пшыхьым и дунейпсо махуэщ
♦1963 гъэм къалъхуащ усакIуэ, Адыгэ Республикэм щэнхабзэмкIэ щIыхь зиIэ и лэжьакIуэ Къуий Щыхьымбий.
Дунейм и щытыкIэнур
«pogoda.yandex.ru» сайтым зэритымкIэ, республикэм уфауэ щыщытынущ. Махуэм хуабэр градус 14 - 21, жэщым градуси 8 щыхъунущ. ЩIым и малъхъэдис щытыкIэм балли 2-кIэ зихъуэжынущ.
Страницы
|